Ինչու է Լևոն Տեր-Պետրոսյանը Փաշինյանին ցույց տալիս հոգեբուժարանի տեղը

Կրթությամբ ոտաբոբիկ Նիկոլ Փաշինյանին քաղաքական արենայում նախ կանգնել, ապա քայլել սովորեցրած Լևոն Տեր-Պետրոսյանն արդեն հոգնել է իր սանի անընդունակությունից։

Եթե մինչև հիմա առաջին նախագահը բավարարվում էր այս անձին թեթևակի նախատելով, իսկ երբեմն էլ՝ քննադատելով, բայց դիվանագիտական լեզվով հիմա պարզվում է, որ հատվել է նաև առաջին նախագահի համբերությունը։ Լևոն Տեր-Պետրոսյանը ցույց է տալիս, որ ցանկություն չունի մաս կազմելու անգամ իր հոգեզավակի կողմից բեմադրվող կրկեսին, որտեղ ամենածիծաղելի կերպարն իր համար ոտքից գլուխ բացահայտված ու իրեն սպառած երբեմնի ընդդիամադիր լրագրող, բայց իշխանության փառքից այդպես էլ ուշքի չեկած Նիկոլն է։

Նիկոլը սկսել է հասարակության նյարդերի վրա ազդելու հերթական արարը։ Այս անգամ սկսել է մանրամասնություններ պատմել ու արդարանալ, թե ինչու Արցախը հանձնեց։

Փաշինյանը շարունակում է կրկնել, թե ես էլ չհանձնեի, մեկ է՝ Արցախը հանձնել էին նախկինները։

Անգամ այս իրավիճակում ինքն իրենից հերոս է կերտում՝ իբրև թե պատասխանատվություն է ստանձնում ու պատրաստ է կրել իր բաժին պատիժը, բայց ամեն անգամ վերջում շեշտում է՝ եթե ժողովուրդը ցանկանա, այն ժողովուրդը, որին 2 տարի ստեց, բայց թիկունքում Արցախը հանձնեց։

Քաղաքական հարուստ կենսափորձ ու գիտելիք ունեցող Լևոն Տեր-Պետրոսյանի համար նիկոլական այս սուտ հեքիաթները պարզ են՝ ջրի պես։ Որպես հմուտ գործիչ, նա գիտի Նիկոլի հաջորդ քայլը, որն արդեն իսկ կանխատեսելի է բոլորի համար, նա գիտի, որ Նիկոլը պատրաստ է ուրանալ անգամ սեփական ընտանիքը, էլ ուր մնաց իր քաղաքական կնքահորը։

Հենց այս գիտակցմամբ է առաջնորդվում առաջին նախագահը, որը մի փոքր ակտիվություն ցուցաբերեց պատերազմի օրերին, սակայն չստանալով վարչապետի կողմից մանդատ որևէ քայլ անելու և ջանք ներդնելու հանուն գոնե մեկ զինվորի կյանքի փրկության՝ կրկին քաշվեց մի կողմ։

Հիմա ստիպված է լինում արձագանքել իր հասցեին փաշինյանական «գաղտնազերծումներին», իսկ այդ արձագանքի ոճն ու լեզուն ցույց է տալիս, որ այս երկրում Նիկոլ Փաշինյանը բացի իրենից, որ աջակից չունի։ Տեր-Պետրոսյանը արձագանքում էր, սակայն, Մոսկվա մեկնելու ու դա չանելու պատճառների մասին Նիկոլ Փաշինյանի գրառմանը մի փոքր այլ կերպ. «Նիկոլ Փաշինյանի ֆեյսբուքյան հրապարակումները մեկնաբանելու` լրագրողների հարցումներին ի պատասխան, հայտնում եմ։

Նախագահ Տեր-Պետրոսյանն անիմաստ է համարում անդրադառնալ ազգակործան պատուհասի հոգեկան տվայտանքներին: Ինչ ուզում է` թող դուրս տա: Միևնույն է` նա արդարանալու ոչ մի ճար չունի: Հայ ժողովուրդը նրան երբեք չի ներելու»։ Սրանով Փաշինյանի երեսին պարզապես թքել են ու հասկացրել՝ հող հանձնող ազգակոծանն այլ տեղ, քան հոգեբուժարանն է, չի կարող լինել։

NewsPress.am