Ինչո՞ւ սանկցիա չեք ներկայացում Փաշինյանի կալանավորման համար որպես պետական դավաճանի, հանցագործի. Պավլիկ Մանուկյանը՝ դատավորին

Երևանի ընդհանուր իրավասության դատարանի՝ Շենգավիթի նստավայրում «Սասնա ծռերի» ընթանում է դատական նիստ։ Դիմելով նախագահող դատավոր Մեսրոպ Մակյանին, Պավլիկ Մանուկյանը նկատեց, որ այսօրերին դժվար է ընտել՝ հայրենիքի համար պաշտպանական ճառով հանդես գալ, թե՝ իր։ Նա նշեց, որ իրավիճակը, որում այսօր հայտնվել ենք՝ ինքը ինքնապաշտպանության պատրաստ չէ, քանի որ հայրենիքն ավելի շատ պաշտպանության կարիք ունի։

«Պարոն Մակյան, երբ արդարությունը փլուզվում է, փլուզվում է ամբողջությամբ: Ինչո՞ւ սանկցիա չեք ներկայացում Փաշինյանի կալանավորման համար որպես պետական դավաճանի, հանցագործի: Ինչո՞ւ համար սանկցիա չեք ներկայացնում այս աղետը կանխելու համար»,- ասաց Մանուկյանը:

Նա բացատրեց, որ կանգնած են հայրենազրկության առաջ, տասնյակ հազարավոր գաղթականներ կան, զոհեր կան, վիրավորների մասին էլ չի խոսում, որոնք չունեն պետական հոգածություն:

«Իսկ երկիրը կանգնած է ալան-թալանի, ինքնապարգևատրման առաջ: Հիմա ես ի՞նչ պաշտպանական ճառով հանդես գամ, որ կարողանամ սրա դեմը կանխել: Պատրաստ չեմ այդպիսի ճառի:

Հանդես չեմ գա, որովհետև, ճիշտն ասած, այն ինչը տեսել եմ, այս թատրոնը արդեն խաղալիք է դարձել ինձ համար: Եթե ինձ համար մահապատիժ էլ որոշեք, միևնույնն է՝ ինձ մոտ ոչինչ չի փոխվի: Եթե ուզում եք արդարությունը վերականգնեք, ճիշտ կլինի րոպե առաջ այդ հանցագործներին կալանավորելու որոշում կայացնեք»,- ասաց Պավլիկ Մանուկյանը: