Խայտառակ վիճակ ՀՀԿ-ի շտաբի մոտ. Ագրեսիվ պահվածքով կինը հարձակվել է լրագրողի վրա
Քիչ առաջ Արաբկիր համայնքում` Կոմիտաս շուկայի հարեւանությամբ, ՀՀԿ-ի շտաբի մոտ ագրեսիվ պահվածքով մի կին հարձակվել է «Ազատություն» ռադիոկայանի լրագրող Անուշ Մկտչյանի եւ ռադիոկայանի օպերատորի վրա:
Նա բղավել է, որ թղթակիցը եւ օպերատորը հեռանան, հրել է, սպառնացել, անգամ` թքել տեսախցիկի վրա: Լրագրողը մի քանի անգամ կնոջը կոչ է արել չխոչընդոտել իրենց աշխատանքը, սակայն կինը շարունակել է իր ագրեսիվ պահվածքը:
Անուշ Մկրտչյանն ասել է, որ ոստիկանություն է դիմելու, սակայն դա ամենեւին չի մտահոգել ագրեսիվ պահվածքով կնոջը: Նշենք, որ ՀՀԿ-ի «Այո»-ի շտաբից որեւէ մեկը չի միջամտել` կասեցնելու համար կնոջ հարձակումները: Նույնիսկ այն ժամանակ, երբ լրագրողը զանգահարել է շտաբ և զգուշացրել, որ հենց իրենց քթի տակ իր վրա ագրեսիվ պահվածքով կին է հարձակվել:
ՀՀ գլխավոր դատախազության հանրային կապերի բաժնից դրանից քիչ հետո, Գլխավոր դատախազ Գեւորգ Կոստանյանը ցուցում է տվել Ոստիկանության Արաբկիրի բաժնում նյութեր նախապատրաստել «Ազատության» լրագրողի աշխատանքը խոչընդոտելու փաստով:
Սկզբնաղբյուր azatutyun.am
