Հրահա՞նգ, թե՞ ինքնագործունեություն․ նախարարը գիտի՞, որ որոշ դպրոցներում ուսուցիչներից ոմանք անցել են Նիկոլի փիառին
ԿԳՄՍ նորանշանակ նախարար Վահրամ Դումանյանի նշանակման օրը, լրագրողները հետաքրքրվեցին, թե ինչո՞ւ է նա այս փուլում համաձայնվել աշխատել, երբ ժողովուրդը պահանջում է վարչապետի հրաժարականը և մեկը մյուսի հետևից նախարարները հրաժարական են տալիս, վերջինս արձագանքեց, թե պատրաստ է ծառայել Հայաստանի հանրապետությանը՝ նույնիսկ 1 ժամով, իսկ քաղաքականությամբ էլ չի զբաղվելու․․․
Թե ինչ հաշվարկով արեց նախարարն այս հայտարարությունը՝ դժվար է ասել, հատկապես, որ թևափոխել ենք մի փուլ, որտեղ առանց քաղաքական կողմնորաշման ու տարբեր ոլորտներում քաղաքական միջամտումների՝ անհնար է․․․
Տեղյա՞կ է արդյոք նախարարը, որ իր համակարգի որոշ դպրոցներում, բազմամյա տարիների փորձ ունեցող ուսուցիչներից ոմանք, որոշել են ինքնագլուխ փոխել պատմությունը (առայժմ անուններ չենք նշում՝ կան ձայնագրություններ)․․․
Որքան էլ նախարարը հայտարարի, թե ինքը կրթական մասով է պատասխանատու և քաղաքականության հետ կապ չունի, այնուամենայնիվ այս ինքնագործունեությամբ զբաղվող ուսուցիչներն իրենց դասաժամերին զբաղվում են քարոզչությամբ։
Մասնավորապես՝ գեղեցիկ գույներով ներկայացնում են հեղափոխությունն ու դրա առաջնորդ Փաշինյանին, ով իրականում խախտելով մի շարք բարոյական և իրավական նորմեր ինքն իրեն թագավոր կարգեց։
Ավելին, հիշյալ ուսուցիչներից ոմանք, է՛լ ավելի հեռուն են գնացել․ նրանք իրենց քիթը խոփել են քաղաքականության մեջ ու զբաղված են, այս պահին ընդդիմության կողմից ներկայացված վարչապետ Վազգեն Մանուկյանի նսեմացմամբ ու Փաշինյանի փիառով։
Ու թեև իրականում հենց նույն այդ Փաշինյանը հեղինակեց խայտառակ կապիտուլյացիայի ստորագրումը, ու չգիտենք թե որպես ինչ՝ առաջնո՞րդ, թե՞ դավաճան նա կգնա պատմության գիրկը, քանի որ տարածքների հետ թուրքին հանձնեց նաև մեր տղերքին, վիրավորներին ու քաղաքացիական անձանց, սակայն վերոհիշյալ ուսուցիչները, պնդում են, թե իբր Նիկոլը «մինչև վերջ մնաց ժողովրդի կողքին»․․․
Սա խայտառակություն է, պատմության ու հայ ազգի նվաստացում․․․ առանց այդ էլ այս պահին լավ օրի չենք։ Մարդկային տրամաբանությունից զուրկ ու թշնամու սրտով ստորագրված այդ փաստաթուղթի պատճառով Արցախը՝ գրեթե ամբողջությամբ, ու Հայաստանի սահմաններից որոշ հատվածներ թուրքի ձեռքը տվեցին։ Տվեց մեկ մարդ, որի անունը Նիկոլ Փաշինյան է, ու հիմա որոշ ուսուցիչներ զբաղված են նրան գովերգելով ու փորձում են պարզեցնել նրա սև երեսը, ո՞ր ինչ անեն․․․
Եթե շատ արագ, խստացված ուսումնասիրություններ չկատարվեն և վերջ չտրվի այս խատառակությանը՝ NEWSPRESS.am-ը կհրապարակի բոլոր այն դպրոցների ու մասնավորապես այն ուսուցիչների անունները և նկարները, ովքեր հանդգնել են խեղաթյուրել պատմությունն ու հերոսացնել դավաճանին։
