Խորհրդականի կամ օգնականի հաստիքի անվան տակ աշխատակիցներ են ընդունում, որոնք պետք է աշխատեցնեն ու համակարգեն «ֆեյքային» էջերը. «Փաստ»
«Փաստ» թերթը գրում է.
«Փաստ» թերթի տեղեկություններով՝ իշխանությունները «տակտիկական» փոփոխություն են իրականացրել «ֆեյքային» քաղաքականության մեջ։ Մասնավորաբար, մեր աղբյուրը փոխանցել է, որ իշխանությունում որոշել են ձևափոխել, այսպես կոչված, «ֆեյքերի ֆաբրիկան», քանի որ վերջինս լիարժեք բացահայտվել է, բացասական հնչեղություն ստացել և, ըստ էության, հայտնվել հանրային ուշադրության կենտրոնում՝ դառնալով լրացուցիչ քննադատության ու դժգոհության պատճառ։ Հիմա, ըստ մեր տեղեկությունների, ֆեյքերի գործունեությունը բաշխել են բոլոր նախարարությունների վրա։
Թերթի աղբյուրի փոխանցմամբ՝ գրեթե բոլոր նախարարություններում խորհրդականի կամ օգնականի հաստիքի անվան տակ աշխատակիցներ են ընդունում, որոնք պետք է աշխատեցնեն ու համակարգեն այդ ֆեյքային էջերը։
Մենք տեղեկություն ունենք նաև, որ Նիկոլ Փաշինյանը կառավարության աշխատակազմին հանձնարարել է բոլոր գերատեսչություններում անջատել «Ֆեյսբուքի» հասանելիությունը, որպեսզի աշխատակիցները (բացառությամբ ֆեյք «քշողների» ու «վերին էշելոնի» ղեկավարության) աշխատանքային ժամերին չկարողանան հետևել քաղաքական զարգացումներին և լրացուցիչ ակտիվություն չապահովեն»,-գրում է թերթը:
Նյութն ամբողջությամբ կարդացեք թերթի այսօրվա համարում:
