Ընդունել ենք վարչապետին ծափողջույններով, սակայն այդ ծափերն ու ողջույնները մեզ տվեցին արյուն ու Հայրենիքի կորուստ․ Արտակ Օհանյան

Ն.Ս.Օ.Տ.Տ. Գարեգին Բ Ծայրագոյն Պատրիարք և Կաթողիկոս Ամենայն Հայոց Մայր Աթոռ Սուրբ Էջմիածին, Հայաստան։

Վեհափառ Տեր, Քրիստոնեական հավատքով հույս ենք դնում Ձեր բարեգթության և արդարամտության վրա:

Երբևէ չենք ցանկացել մեր խնդիրներով ծանրացնել Ձեր առանց այն էլ դժվարին առօրյան, մեր լռությունը օգտագործվեց մեր իսկ դեմ, սակայն այժմ խնդիրը համազգային է, Հայաստանում, և Սյունյաց աշխարհում տիրում է պայթունավտանգ մթնոլորտ: Այս վիճակին խորը ծանոթանալով դեպքերի զարգացումը տանում է ո'չ միայն ՀՀ Պետականության փլուզման` այլ նայև պայմանավորված է Հայ Առաքելական Եկեղեցու կորստով։

Կարծիք կար , որ մենք կդիմանանք ամեն դժվարության, սակայն պարզվում է, որ կարող է լինել շատ ավելի վատ… Գուցե՞ մենք իրոք հայտնվել ենք ա'յն նախաշեմին , որը մեր քայլից է կախված փրկելու դարերով ապրող մեր Սուրբ Եկեղեցին, և Պետականությունը, գուցե՞ պետք է ձեր մոտեցումը փոխել, և չկրկնել Պետրոս գետադարձի սխալները չէ՞ որ նա 1019-ից հանդիսացավ պետականության կործանման անմիջական մեղավորներից մեկը։
Խնդրում եմ Վեհափառ Տեր հնչեցնել զանգերը, հրավիրել Եպիսկոպոսաց, և վարդապետաց դասին թափորով ու խաչով առաջնորդել մեր մոլորյալ ժողովրդին, գուցե հիմա է ժամանակը հառնելու, ոտքի կանգնելու, և պատմությանը ապացուցելու, որ մենք չե'նք հանձնվել , և որ պատրաստ ենք ամեն ժամ կենաց ու մահու կռիվ տալ, մեր եղբայրների արյունը չըսառած` թշնամին դեռ շարունակում է ծարավ մնալ մեր արյանը, խնդրում եմ Վեհափառ Տեր հնչեցրեք զանգերը և մեծ դասով ու թափորով առաջնորդեք Հայ Ազգին այս նեղ ու դժվար ճանապարհին։

Մենք ընդունել ենք վարչապետին ծափողջույններով, ակնկալել դրական փոփոխություններ, սակայն այդ ծափերն ու ողջույնները մեզ տվեցին արյուն ու Հայրենիքի կոտուստ…

Մեր ամեն բառը, անգամ լռությունը, դարձավ զենք, որը օգտագործվեց մեր իսկ դարերով ձեռքբերումների դեմ, Օգնեցինք նրան ներքին խնդիրները կարգավորելու համար, այն նույն ժամանակ, երբ նա զբաղված էր ժողովրդին մոլորեցնելով, և իրեն Առաքելական Եկեղեցու զավակ համարողը հարձակումներ թույլատրեց սեփական եկեղեցու դեմ, և չգիտենք թէ` էլ ի՞նչ նոր դավ ծրագրեր է հյուսվում մեր շուրջը, հնչեցրեք զանգերը Վեհափառ Տեր, և թող ամեն քահանա և առաջնորդ իր թեմի թող դուրս իր ժողովրդով, և թող սատար կանգնենօրեց օր փոքրացող մեր Հայրենիքին, եկել է հառնելու ժամանակը, հնչեցրեք զանգերը Վեհափառ Տեր մեր Պետականության վերականգնումը այժմ միայն ձեզնից է կախված։

Արտակ Օհանյան։