Կարգին Հայկոն ակտիվ հանգստի մեջ է. ձյան մաքրման աշխատանքներ լինելո՞ւ են, թե՞ վարորդները հույսը դնեն անիվների վրա. VIDEO

Երևանի քաղաքապետ Հայկ Մարությանի արձակուրդը չի ավարտվում: Այնպես է ստացվել, որ նա արձակուրդից գնում է ինքնամեկուսացում, ինքնամեկուսացումից՝ արձակուրդ... Իհարկե չեն կարող ասել, թե ինչ պատրվակով նա ժամանակ առ ժամանակ «կինքնամեկուսանար», եթե կորոնավիրուս չլիներ, բայց այն կա, ու Մարությանն էլ օգտագործում է ինքնամեկուսացման բոլոր հնարավորությունները՝ զուգահեռ իրեն «պարգևատրելով» արձակուրդներով...

Օրեր են՝ մթնացնում, անց է կացնում...  

Հիմա էլ Մարությանն ակտիվ հանգստի փուլում է. ասել են, որ արձակուրդի մեջ կլինի մինչև հունվարի 22-ը:

Իսկ խնդիրներն իրենց սպասեցնել չեն տալիս: Վաղ առավոտից էլ ձյան առատ տեղումներ են, որի պատճառով երթևեկությունը կաթվածահար էր եղել:

Վստահաբար չենք կարող ասել՝ արդյոք փողոցների ու մայթերի մաքրման աշխատանքներն ավելի ինտեսի՞վ կկազմակերպվեին, եթե Մարությանն արձակուրդում չլիներ, քանի որ նախորդ տարիները ևս պատշաճ մաքրման աշխատանքներ չեն կատարվել:

Ոմանք հիշում են, մյուսները՝ ոչ, որ Մարությանի պաշտոնավարման առաջին տարին ձյունառատ չէր: Բայց Մարությանը հետո, երբ աղբահանման խնդիրներ առաջացան, հայտարարեց, թե ամբողջ գումարը ծախսել է ձյան մաքրման համար մեքենաներ ու համապատասխան տեխնիկա գնելու վրա, և հիմա գումարներ չկան աղբատարներ գնելու համար:

Ասել է թե, քաղաքապետարանը ձյուն մաքրող մեքենաների պակաս չուներ, ու չնայած դրան, անցած տարի, մեղմ ասած, փողոցների վիճակը վերահսկողությունից դուրս էին:

Պատկերը նույնն է նաև այս տարի...

Ձյան առատ տեղումների մասին դեռ 5 օր առաջ հայտարարվել է, սակայն Կարգին Հայկոն weekend-ային տրամադրության մեջ է ու թքած ունի, թե փողոցները ձյունառատ են և մաքրել է հարկավոր: 

Նա ինչպես իր դերասանական ակտիվ կարերիայի ժամանակ էր սրտացավ պաշտոնյայի դեր կատարում, այնպես էլ այսօր՝ քաղաքապետի պաշտոնը դիտարկում է որպես ստանձնած դեր ու խաղում՝ առանց ծափերի:

Ու մինչ բոլորն ուզում են հասկանալ ձյան մաքրման աշխատանքներ լինելո՞ւ են, թե՞ վարորդները հույսը դնեն անիվների վրա՝ Կարգին Հայկոն, ինչպես նախկինում, այսօր էլ միայն իբրև սրտացավ պաշտոնյանի դեր է խաղում... նա պաշտոնը նույնացրել է դեր խաղալու հետ:

Հատված՝ «Կարգին սերիալից»...