Նիկոլը կեղծելու է ընտրությունները, որովհետև, եթե ինքը չվերընտրվի, ինքը դատվելու է. Իշխան Սաղաթելյան (տեսանյութ)

«Արտահերթ ընտրություններ մեր պահանջն է եղել։ Մեզանից որևէ մեկը դեմ չէ արտահերթ ընտրություններին»: ՀՅԴ Հայաստանի Երիտասարդական Միության անդամների հետ հանդիպմանն ասել է ՀՅԴ ԳՄ ներկայացուցիչ, Հայրենիքի փրկության շարժման համակարգող Իշխան Սաղաթելյանը։

Նրա խոսքով, Նիկոլ Փաշինյանը վերցրել ու իրենց պահանջը փոխում է հենց իրենց դեմ, ասում, որ ընդդիմադիր կուսկացությունները համաձայն չեն, որ երկրում արտահերթ ընտրությունը լինի։

«Մենք արտահերթ ընտրության հետ կապված կարևոր սկզբունք ենք դրել՝ դու չպետք է վարչապետ լինես։ 

Ինչո՞ւ չպետք է Նիկոլը լինի վարչապետ ընտրությունների ժամանակ։

Պարզ պատճառով. եթե, օրինակ, 5 ամիս հետո են այդ ընտրությունները լինում ու ինքը շարունակում է կառչել այդ աթոռից, նա այս 5 ամսվա մեջ որևէ բանով չի զբաղվելու բացի ընտրություններին նախապատրաստվելուց։

Այսինքն երկիրը քանդվելու է, թշնամին առաջ է գալու, մեր երկրի խնդիրները շարունակելու են օրեցօր ավելանալ։ Իր մեկ օր ավելի մնալը կորուստ է մեր երկրի համար։ Ինքը կառչելու է իր աթոռից, ամբողջ ռեսուրսը դնելու է ընտրություններին պատրաստվելու համար։

Ինչի՞ է կեղծելու ընտրությունները։

Պարզ պատճառով։ Եթե ինքը չվերընտրվի, ինքը դատվելու է: Նա կեղծելու է ընտրությունները»,-ասել է նա։

Իշխան Սաղաթելյանի խոսքով, եթե Նիկոլը Գագիկ Ջհանգիրյանին բերում է ԲԴԽ, ու դրանից հետո խոսում արդար ընտրության մասին, սա ծիծաղելի է, քանի որ այս երկրի թիվ մեկ ընտրակեղծածարարն Ջհանգիրյանն է եղել:

Մանրամասները` տեսանյութում