Մեսի՞ջ, թե՞ զուգադիպություն․ քարտեզի վրա տարածքների բացակայությունը բերում են աչքին սովոր մակարդակի (լուսանկար)

Հայկական որոշ ընկերություններ սկսել են Արցախի ու Հայաստանի հանձնված և հնարավոր հանձնման ենթակա տարածքները բերել մարդկանց աչքին սովոր մակարդակի։

NEWSPRESS.am-ն արդեն անդրադարձել է «Ինվեսթ ին ԷյԷմ» ՓԲԸ-ի տարբերանշանին (լոգոյին), որտեղ պատկերված է Հայաստանի քարտեզը՝ առանց որոշ մարզերի, իսկ ավելի կոնկրետ՝ առանց Սյունիքի, Վայոց Ձորի, ու ևս երկու մարզից էլ՝ առանց որոշ համայնքերի․․․

Թեև այս տարբերանշանը Հայաստանի քարտեզի հետ համեմատալիս հստակ ու անկներև է ուրվագծված նմանությունը, սակայն ընկերության աշխատակիցները փորձում էին անհիմն պատասխանով արդարանալ․․․ 

Ֆեյսբուքում «Matian Notebook» անվամբ գրանցված ընկերությունը, որը ներկայացնում է Հայաստանում արտադրված բարձր որակի նոթատետրեր, ներկայացրել է հերթականը, այս անգամ՝ ՀՀ քարտեզով։

Ի տարբերությյուն նախորդ ընկերության, այս մեկը չի հերքում, որ այն ՀՀ քարտեզն է։ Իհարկե, ուզում ենք հավատալ, որ զուտ պատահականություն է, հատկապես, որ հրատարակող ընկերությունը եռանկյունով ընդգծել է Սփյուռք—Հայաստան-Արցախ կապը, սակայն այս եռանկյունու տեսքով կտրված քարտեզը հետաքրիքր զուգադիպությամբ դարձյալ Հայաստանից կտրում է վերոհիշյալ տարածքները՝ դեռ մի քիչ ավելին․․․

Այս երկու ընկերությունների շարքը հնարավոր է համալրում են նաև այլ կազմակերպություններ, որոնց հետ դեռևս մենք չենք առնչվել։ 

Նոթատետրի եռանկյունու մասին հարցադրմամբ դիմել ենք տվյալ կազմակերպությանը (նամակագրությամբ, քանի որ զանգերին չարձագանքեցին), սակայն պատասխան չստացանք։

Ամեն դեպքում նկարներից կարելի է ենթադրել, որ ընկերությունները յուրահատուկ մեսիջ են ուղարկում հասարակությանը՝ տարածքային զիջումներն ու դրանց բացակայությունը քարտեզից բերելով աչքի սովոր մակարդակի։