Այսուհետ մտահոգիչ է դառնում ջրերի անվտանգության ապահովումը․ սա մարտահրավեր է ոչ միայն արցախահայության համար, այլև ՀՀ ամբողջ բնակչության․ «ՀՀ»

«Հայաստանի Հանրապետություն» թերթը գրում է․

«Ջրային անվտանգությունը բոլոր ժամանակներում պետությունների անվտանգային համակարգի կարեւոր բաղադրիչներից մեկն է։ Ներկայումս՝ գլոբալ տաքացման և բնապահպանական խնդիրների համատեքստում ջրային ռեսուրսների կարևորությունն առավել ընդգծվում է։

Առաջիկայում այս հարցը լուրջ մարտահրավեր կարող է դառնալ մեր երկրի համար։ Ցավոք, պատերազմի հետեւանքով Ադրբեջանի վերահսկողության տակ են հայտնվել Սեւանա լիճը սնուցող երկու հիմնական գետերի` Արփայի ու Որոտանի ջրահավաք ավազանները։

Արցախի Հանրապետության որոշ տարածքների կորստի և Հայաստանի ջրային անվտանգության փոխկապվածությանը «ՀՀ» օրաթերթը մի քանի անգամ անդրադարձել է՝ ներկայացնելով այն վտանգներն ու խնդիրները, որոնց բախվելու ենք ինչպես անվտանգային առումով, այնպես էլ՝ գյուղատնտեսության մասով։ Արցախյան հակամարտության քննարկումների ընթացքում գրեթե չէր շոշափվում ջրային անվտանգության գործոնը, մինչդեռ այն չափազանց կենսական նշանակություն ուներ։

Հաշվի առնելով այն հանգամանքը, որ Ադրբեջանը պատերազմի ընթացքում չխորշեց օգտագործել քիմիական զենքը, այսուհետ մտահոգիչ է դառնում ջրերի անվտանգության ապահովումը։ Եվ սա մարտահրավեր է ոչ միայն արցախահայության համար, այլեւ Հայաստանի ամբողջ բնակչության, քանի որ, ինչպես արդեն նշել ենք, թշնամու վերահսկողության տակ են անցել Սեւանա լիճը սնող գետերի ակունքները»: