Լեզուս չորանար, չասեի` հիշատակդ անմար, հերո՛ս եղբայր. Արման Հակոբյանը Ոստիկանության զորքերի 43 նահատակներից մեկն է

Ոստիկանության զորքերի 43 նահատակներից մեկն էլ դու դարձար, կամբատ: ֆեյսբուքյան իր էջում գրել է Նաիրա Դավթյանը։

«Ամենադաժան բանը, որ կարող էր պատահել, դա քո չլինելն էր. ԱՐՄԱՆ ՀԱԿՈԲՅԱՆ. թող անունդ ոսկե տառերով չգրվեր պատմության էջերում, թող լինեիր աննկատ ու չճանաչված մեկը հազարավորներից, բայց թող ապրեիր։ Բայց, չէ՜, դու ուրիշ զարմից էիր, դու արժանապատվության սուրն էիր կրում տղամարդկային քո պատվախնդիր վարքուբարքում, դու ռազմիկ էիր, դու Տղա՛ էիր։ Լեզուս չորանար, չասեի` հիշատակդ անմար, հերո՛ս եղբայր»,-գրել է Նաիրա Դավթյանը:

Փոխգնդապետ ԱՐՄԱՆ ԳԱԳԻԿԻ ՀԱԿՈԲՅԱՆԸ նահատակվել է հանուն հայրենիքի։
ոստիկանության զորքերի ՀԿՊ գնդի` 1033 զորամասի 3-րդ գումարտակի հրամանատարն Արցախյան 2-րդ պատերազմում, որպես նվիրյալ զինվոր ու պետ, իր զորամասի հրամանատարի հետ ու անձնակազմի կողքին, մարտնչեց հանուն հայրենիքի մինչև վերջին շունչը։ Հերոս հրամանատարը նահատակվեց` հայոց պատմության մեջ մնալով որպես քաջարի ռազմիկ ու արժանապատիվ սպա։

Արման Գագիկի Հակոբյանի անդառնալի կորուստը մեծ վիշտ է ոստիկանության զորքերի կառույցի, զորամասի անձնակազմի համար, սակայն, առանձնակի խոնարհումով` մեր զորակցությունը ՀԱԿՈԲՅԱՆՆԵՐԻ ընտանիքին։

Փոխգնդապետ ՀԱԿՈԲՅԱՆԻՆ զինվորական կարգով հրաժեշտ տալու արարողությունը տեղի կունենա ս/թ. փետրվարի 17-ին, ժ. 17։00-ից, ոստիկանության զորքերի 1033 զորամասում (Իսակովի 25), հուղարկավորությունը` փետրվարի 18-ին, ժ. 13։00-ին, Փարաքարի գերեզմանատանը։