Նիկո՛լ, չես մարսելու, Աննա՛, չես մարսելու. ես դա ձեզ խոստանում եմ. Գեղամ Նազարյան (տեսանյութ)

«Ճշմարտություն սերունդների համար» նախաձեռնության համակարգող, Արցախյան երկրորդ պատերազմի զոհերից Աբգար Նազարյանի հայրը՝ Գեղամ Նազարյանը, Ազատության հրապարակում ընթացող հանրահավաքի ժամանակ հայտարարեց. 

«Այո՛, մի քանի անգամ կարող էր կանգնեցնել, բայց այս պատերազմը Նիկոլը բերեց և պետք է պատասխան տա առաջին հերթին մեր երեխեքի առաջ, որ հիմա երկնքում են: Նիկո՛լ, չես մարսելու, Աննա՛, չես մարսելու. ես դա ձեզ խոստանում եմ: Չեք մարսելու, չեք մարսելու: Ձեզ թվում է, թե գնաք Լոս Անջելեսում կպտտվեք, Մոսկվայում կֆռֆռաք, հետո կասեք՝ ժողովուրդ ջան, էժան կարող եք Ստամբուլ գնալ:

Ո՛չ: Ես բոլորին խորհուրդ եմ տալիս, բանակցեք ամենաբարձրակարգ փաստաբանների հետ, որովհետև հայկական նյուրնբերգյան դատավարությունը լինելու է, որովհետեւ առանց դրա չենք կարող առաջ շարժվել: Դա լինելու է ազատ, արդար, որ բացահայտվի ամբողջ թուրք-ադրբեջանական գործակալական ցանցը, որ եկավ ու մեր երկիրը, մեր սիրուն Արցախը կործանեց:

Մեր Նյուրնբերգը լինելու է, ինչքան ուզում ես սադրիչ ուղարկի, ԱԱԾ-ականներ ուղարկի: Հարգելի՛ ԱԱԾ-ականներ, ձեզնից շատերը տղերքի կողքին խրամատում են եղել, ձեզ ինչ է լինում, որ այդ թափթփուկի ասածներն անում եք: Դուք գնացեք ոչ թե «ֆեյք» բացահայտեք, այլ Նիկոլի Ֆեյք» ջոկատներին բացահայտեք»,- ասաց Նազարյանը:

Նա կոչ արեց Ազգային անվտանգության ծառայությանը գնալ ու բացահայտել այն խրամատը, այն բլինդաժը, որտեղ Աննա Հակոբյանը ֆոտոսեսիաներ էր անում. «Մեր տղերքը զոհվում էին, Աննան ֆենված մազերով ձեռ էր առնում մեզ, ֆենվում էր, մեկի բոստանում սարքած բլինդաժում ֆոտոսեսիաներ էր անում, գնացեք դա բացահայտեք, գնացեք էդ աղջկան հարցրեք՝ ի՞նչ էիր անում բունկերում»: 

Նազարյանը, ամեն դեպքում, լավատեսությամբ ավարտեց իր ելույթը՝ մեր երկիրը լավ երկիր է լինում. «0-15 տարի հետո ադրբեջանցին ասելու է մենք հաղթել էինք, ինչպե՞ս են հայերը մեզնից լավ ապրում»: