ՔՊ-ական գեներալ Արման Քալաջյանը. Չտրվեք սրանց էժանագին շոուներին, սրանց վերջը մոտ է, սկսել են խրխռալ. Տիգրան Վարդանյան

Նիկոլենց հերթական վատ, ես կասեի` շատ վատ բեմադրված «թատրոնը»: Թե բա «գեներալ ախպեր»: Գերագույն կապիտուլյանտին, բունկեռի Էրատոյին և գրադի հրթիռների տակ մնացած Պաբլոյին ավելացավ նաև «գեներալ ախպերը»: Այդ մասին ֆեյսբուքյան իր էջում գրել է Տիգրան Վարդանյանը` անդրադառնալով համացանցում լայն տարածում գտած 2 տեսանյութի, որոնցից առաջինը թերևս ավելի անկեղծ էր, իսկ 2֊րդ֊ում թվում էր վախի մթնոլորտ կար։ Գեներալ Արման Քալաջյանը գրեթե իր տեքստով ստիպում է սահմանապահներին ասել, որ ամեն ինչ կարգին է, չնայած, որ նրանք վրանում են և տաքանալու հնարավորություն չունեն։

«Բոլորդ էլ գիտեք, որ համացանցում լայն տարածում էր գտել մի տեսանյութ, որտեղ` հերթական անգամ ապացուցվում էր այն, որ մեր սահմանապահ զինվորներն ու կամավորականները անտերության են մատնված: Դուք շատ լավ գիտեք, որ դա իրականությունն է և առաջին անգամը չէ, որ դա փաստավորված հրապարակվում է:
Ի՞նչ են անում նիկոլենք և իրենց ենթակայության տակ գտնվող Աբազյանի ԱԱԾ-ն:

Գիշերվա կեսին` տեսանյութում խոսող անձին, ով դիրքի ավագն է կամ հրամանատարը, կանչում են ԱԱԾ և ամենայն հավանականությամբ վախեցում կամ էլ սպառնում, որ կդատեն, եթե վերջինս չհերքի այդ ամենը, իսկ թե ինչպես պետք է հերքման օպերացիան անեն դա ամենածիծաղելին է, որովհետև էս տգետների սցենար գրողը իրենցից էլ ավելի տգետ է:

Համացանցում սկսվում է տարածվել նոր տեսանյութ, որտեղ տղաները նախ հերքում են, իսկ հետո ասում, որ այդ ամենը արել են լրիվ այլ նպատակներով:

Հերքման տեսանյութում մի քաղաքացի ներկայանում է, որպես` Բայազետ ջոկատի հրամանատար և սկսում խոսել, թե բա ես էդ դիրքում եմ, ամեն ինչ կա, ամեն ինչ ուրիշ ձև ա ևն ևն: Էս քիչ չէ, մի բան էլ իրեն դիմում են «մեր գեներալ» ախպեր: Ես, երևի թե կհավատայի էս կլոունադային, եթե չպարզվեր, որ էդ «գեներալը» կապիտուլյանտի թիմակիցն է (կից հրապարակում եմ տվյալ անձի նկարները):