Ստախոսը հերթական անգամ ստեց. Արսեն Բաբայան

«Հայրենիք» կուսակցության խորհրդի անդամ Արսեն Բաբայանը ֆեյսբուքյան իր էջում գրառում է կատարել՝ անդրադառնալով արտահերթ ընտրությունների վերաբերյալ հայտարարությանը հաջորդած` ԸՕ փոփոխման օրակարգին: Նա մասնավորապես նշել է՝ Ընտրական օրենսգրքի ներկայացված նախագծից ակնհայտ է դառնում, որ այն կազմվել է սորոսական թեւի իշխանության պահպանման ու ամրապնդման համար։  

«Ստախոսը հերթական անգամ ստեց

Արդեն մի քանի օր է՝ թուրքական իշխանության հայկական պարագլուխն իր նկատմամբ շեշտակի ավելացած ատելությունը զսպելու նպատակով կրկին քաղաքական հրապարակ է նետել արտահերթ ընտրություններ անցկացնելու օրակարգը։ Նկատենք, որ նրա նկատմամբ ժողովրդական ատելությունը շեշտակի ավելացավ այն պահից, երբ նախորդ անգամ խոսեց արտահերթ ընտրություններից ու խաբեց, որին հաջորդեց հասարակական լայն հատվածի կոշտ արձագանքը։

Հիմա նորից այդ արձագանքը զսպելու համար կապիտուլյանտը մեկ քայլ առաջ արեց եւ կոնկրետ ընտրությունների օր «նշանակեց»։ Բայց, ինչպես տեսանք վերջին օրերին, այս անգամ էլ է նա ստում։ Ընտրությունների հստակ օր «նշանակելուց» հետո քաղաքական օրակարգ է բերվել ընտրական օրենսգիրքը փոփոխելու հարցը։ Այդ հարցում ակնհայտ ագրեսիվ են հատկապես սորոսական թեւում։ Իշխանության որոշ ներկայացուցիչների մտքերից ակնհայտ է դառնում, որ կապիտուլյանտը շարունակում է ենթարկվել իր չունեցած իշխանության սորոսական թեւին եւ ակնհայտ է դառնում, որ դիմադրելու կարողություն չունի։

Ընտրական օրենսգրքի ներկայացված նախագծից ակնհայտ է դառնում, որ այն կազմվել է հենց սորոսական թեւի իշխանության պահպանման ու ամրապնդման համար։ Մասնավորապես՝ ռեյտինգայինի վերացում, ընտրական կոալիցիա ստեղծելու իշխանական բացառիկ իրավունք, կուսակցություններին համագումար անցկացնելու պարտադրանք եւ բազմաթիվ այլ անհեթեթ փոփոխություններ, որոնց, ըստ սորոսական թեւի կարծիքի, պետք է չհամաձայնվի խորհրդարանական ընդդիմությունն ու այդպիսով կտապալվի արտահերթ ընտրությունների անցկացումը։

Պետք է հստակ ֆիքսենք, որ սորոսականների ազդեցությունն այժմ շատ ավելի ուժեղ է կապիտուլյանտի նկատմամբ, որին դիմադրելու կարողությունը նրա մոտ ամբողջությամբ բացակայում է»,-գրել է Բաբայանը: