Շշմելու է. Կարենի եղբայրը գտնում է մոր երազում տեսած ծառն ու հենց այդ ծառի տակ թաղված Կարենի դին

ԲՀԿ-ական պատգամավոր Նաիրա Զոհրաբյանը իր ֆեյսբուքյան էջում գրել է.

«Սա շշմելու պատմություն է

Այս պատմությունն ինձ այսօր պատմեց արցախյան այս պատերազմում զոհված զինծառայող Կարենի եղբայրը։

Այս պատմությունը պարզապես ցնցող է։ Ու դեռ ինչքան էսպիսի պատմություններ ենք լսելու։

Կարենը զորակոչվել էր 2020-ի հունվարին ու զոհվել հոկտեմբերի 27-ին զոհվել։ Ամիսներ շարունակ, ինչպես հազարավոր մայրեր, Կարենի մայրը փնտրում էր իր որդուն ու ինչպես հազարավոր մայրեր՝ չէին գտնում։

Վերջին ամիսներին Կարենի մայրն ու եղբոր որդին պարբերաբար նույն երազն են տեսնում, որ Կարենը սպանված է եւ թաղված է Մարտունի 2-ի դիրքերից քիչ այն կողմ գտնվող ծառի տակ։ Անընդհատ նույն երազն ու նույն ծառը։ Ու մարտի 18-ին, Կարմիր Խաչի, խաղաղապահների հետ որոնողական աշխատանքների ժամանակ Կարենի եղբայրը գտնում է մոր երազին եկած ծառն ու հենց այդ ծառի տակ թաղված Կարենի դին։

Երեկ եկել էր ԴՆԹ պատասխանը՝ դա Կարենն էր։

Ո՞վ էր թաղել Կարենին՝ ոչ ոք չգիտի։

Շշմելու է։

Ու դեռ քանի մայր երազում պիտի տեսնի իր որդուն, ու դեռ քանի մայր պիտի դռան ամեն զանգից շունչը պահի ու սպասի որդուն, ու դեռ քանի մարդ պիտի երազի, որ որդին ոչ թե սպանված լինի, այլ գերեվարված։

Ու էսքանից հետո կան վիժվածք մանկուրտներ, ովքեր թուրքին թշնամի չեն համարում։

Ու էսքանից հետո կան «չհայեր», ովքեր արդարացնում են թուրք սիրողներին»։