Գիտեմ, որ ձայն չեք հանելու ու խելոք-խելոք գնաք ու սրսկվեք. Ռաֆայել Հովհաննիսյանը՝ «AstraZeneca» պատվաստանյութի մասին

Համահայկական աշխարհագրական ասոցիացիայի նախագահ Ռաֆայել Հովհաննիսյանը ֆեյսբուքյան իր էջում գրել է․

««AstraZeneka» կորոնավիրուսի դեմ պատվաստանյութից տարբեր երկրներում մարդիկ են մահանում։ Երկիր կա տասնյակից ավել մարդ։

Ամբողջ աշխարհում հրաժարվում են «AstraZeneka» պատվաստանյութից։ 

Պետություններ, որոնք գնել են արդեն «AstraZeneka»-ն, չեղարկում են պայմանագրերը։

«AstraZeneka»-ն  համարվում է ամենա անհաջող և վտանգավոր պատվաստանյութն աշխարհում։ Այս ամենի մասին պատմում են «Euronews»-ով, «CNN»-ով և այլ ԶԼՄ-ներով, դա ես չեմ բզբզում, դա փաստ է։

Համոզված եմ գուշակեցիք, թե ինչ պատվաստանյութ է բերել Հայաստան ՀՀ Առողջապահության նախարարությունը։ Իհարկե «AstraZeneka» և դա այն դեպքում, երբ ամենալավ «Moderna» ամերիկյան պատվաստանյութն արտադրում է հայ Նուբար Աֆեյանի ընկերությունը։

Ես գիտեմ, որ ձայն չեք հանելու ու խելոք-խելոք գնաք ու սրսկվեք։ Ինչպես ձեն չեք հանում մնացածի վերաբերյալ։ Պարզապես որոշեցի զգուշացնել, խիղճս հանգիստ լինի։ Առողջ եղեք։

Հ.Գ. Եթե հանկարծ որոշեք ձայն հանել, կարող է ձեզ լսեն ու գոնե ռուսական «Sputnik V» բերեն մեծ քանակությամբ։ Դրանից գոնե ոչ մեկ չի մահացել»։