«Մարդ իրավունք չունի՞ ժամանակ առ ժամանակ դիմել բժշկի». Կոմանդոսի վիճակը լավ է. գնդապետ Մուրադյան
Երեկ՝ մարտի 29-ին, լուր տարածվեց, որ ծանր վիճակում «Էրեբունի» Բժշկական կենտրոն է տեղափոխվել Արցախի հերոս, Շուշիի ազատագրման օպերացիայի հրամանատար Արկադի Տեր–Թադևոսյանը՝ Կոմանդոսը:
«Մարդ իրավունք չունի՞ ժամանակ առ ժամանակ դիմել բժշկի, կամ բուժվել: Մարդ իրավունք չունի՞ մտածել իր առողջության մասին»,-NEWSPRESS.am-ի զանգին արձագանքելով՝ ասաց գնդապետ Արա Մուրադյանը:
Նա վստահեցրեց, որ Կոմանդոսի վիճակը ծանր չէ: Կա առողջական վիճակի որոշակի վատթարացում, սակայն նա «Էրեբունի» ԲԿ-ում ասեղնաբուժություն է ստանում:
«Եթե ինչ-որ մեկը նրան տեսել է հիվանդանոցում, կամ իմացել այդ մասին, ուրեմն պետք է վիճակն այդպես վա՞տ ներկայացներ»,-ասաց գնդապետ Մուրադյանը և նշեց, որ լենգենդար Կոմանդոսի մասին ով ասես և ինչ ասես գրոմ է՝ մոռանալով նրա կատարած գործի և Շուշիի ազատագրման ու, ընդհանրապես, Արցախյան պատերազմում ունեցած դերի մասին:
«Առանց այն էլ բոլորին արժեզրկեցին, ինչ անուն ասես՝ չկպցրեցին, հիմա էլ էս մարդո՞ւն են անցել: Կոմանդոսն այս պահին պարզապես մի քիչ վատ ինքնազգացողություն ունի և դիմել է բժկի: Նրա վիճակը վատանում է, երբ կարդում է իր մասին գրված վատ լուրերը։ Մի՛ արեք, պարզապես չի կարելի»,-ասաց գնդապետ Մուրադյանը, ով խնդրեց իր և Կոմադոսի բոլոր ընկերների անունից հայտարարել, որ վերջ տան լեգենդար հրամանատարի մասին հերյուրանքներ տարածելուն:
Մուրադյանը տեղեկացրեց, որ Արկադի Տեր-Թադևոսյանը պարբերաբար բուժումներ ստանում է և պետք չէ բարդացնել վիճակը:
«Կոմանդոսը ավանդ ունի երկրի համար, չի կարելի ուրանալ: Հիմա նրա վիճակը լավ է, բուժում է ստանում, որի կուրսը հնարավոր է հենց վաղը կամ մյուս օրն արդեն ավարտի»,-եզրափակեց մեր զրուցակիցը:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Մահացել է Մակրոնի կնոջը տղամարդ անվանած լրագրողուհին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
