«Խելացի» վիրուսը Փաշինյանի համար փրկություն է կամ վակցինան արբանյակից չտարբերող նախարարի ավանտյուրան

Եթե հավատանք Առողջապահության նախարարության կանխատեսումներին, ապա առաջիկա շաբաթվա ընթացքում, կորոնավիրուսի ավելի քան 7000 նոր դեպք կգրանցվի։

Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, Իմունականխարգելման ազգային ծրագրի ղեկավար Գայանե Սահակյանը փորձել է պարզաբանել, թե ինչ հաշվարկներով է անում նախարարությունն այս կանխատեսումը։

Նա վստահեցնում է, որ կա հիվանդության 90 տոկոս աճ։

Իհարկե այս «խելացի» վիրուսի մասին շատ անգամ է խոսվել․ այն հայտնվում է ճիշտ պահին և ճիշտ տեղում։

Թե ինչու է վակցինան արբանյակից չտարբերող (Սպուտնիկ-V) նախարարը որոշել այս շրջանում դաշտ նետել կորանավիրուսային վտանգն ու ակտիվ տարածվածությունը, թերևս կարելի է ենթադրել։

Առաջին վարկածը AstraZeneca վակցինայի ներարկումն է։ Սա այն վակցինան է, որի պատվաստումից հետո հիվանդների մոտ թրոմբ է առաջացել և, փաստորեն դեղամիջոցը դարձել է մի շարք մահերի պատճառ։ Որոշ երկրներ դադարեցրել են AstraZeneca դեղամիջոցի օգտագործումը, իսկ Հայաստանում ցանկանում են ձեռք բերել այն և իրացնել․․․ 

Քաջ գիտակցել դեղամիջոցի վտանգն ու միևնույն ժամանակ շահագրգռված լինել դրա ձեռքբերման գործում, թերևս նշանակում է պարտավորված զգալ այդ անորակ վակցինայի սպառման հարցում․․․ այսինքն՝ կառավարությանը կամ պարտադրել են, կամ խոստացել ինչ-որ բաներ, կամ էլ սա պարզապես սովորական փողերի լվացման գործ է․ շարքային քաղաքացու գրպանի հաշվին էժան գնով, բայց թանկի անվան տակ ձեռք կբերեն դեղերն ու «կկապեն հանության ջանին»։  

Ու իշխանության համար գրողի ծոցը, թե մի երկու մարդ էլ չեն մեռնի․․․ կարևորը իրենք լավ լինեն․․․

Մյուս կողմից էլ կորոնավիրուսի կանխատեսված կլորիկ թիվը կարող է օգտագործել նաև քաղաքական որոշ հարցերում։

Դրանցից առաջինը Եղեռնի հիշատակման օրն է․․․

Եթե նախորդ տարի ապրիլի 24-ին մարդկանց արգելվեց բարձրանալ Ծիծերկանաբերդ, ապա պատճառը միայն կորոնավիրուսն էր։ Իսկ այս տարի կորոնավիրուսը կլինի միայն պատրվագ՝ թուրքերի կողմից հայերի նկատմամաբ իրականացված Ցեղասպանության օրը չհիշատակելու համար։ Երկիրը թշնամուն նվիրած և դավաճանության մեջ մեղադրվող վարչապետը, ով իր հոգու թաքուն անկյունում փափագում է բացել սահմանները թուրքերի հետ, և գրեթե ադեն հասել է իր նպատակին, հազիվ թե ցանկանա վրդովել իր «հարևաններին»՝ հիշեցնելով նրանց, որ 15 թվականին նրանք բնաջնջել են հայերին ու դեևս չեն դատապարտվել։

Այնպես, որ այս տարբերակը չի բացառվում ևս․․․

Ի վերջո, առջևում արտահերթ խորհրդարանական ընտրություններն են։ Դատելով Նիկոլ Փաշինյանի և քաղաքացիների հանդիպումներից, շատ հնարավոր է, որ դրանց արդյուքները չգոհացնեն Նիկոլին։ Ուստի սա է նաև այն պատճառներից մեկը, որ արդեն իսկ դաշտ են նետվում տեղեկություններ, թե արտահերթ ընտրություններ չեն լինելու․․․

Ու քանի որ գոնե այս պահին ոչ ոք դեմ չի արտահերթին և նույնիսկ ընդդիմությունն է նախապատրաստվում դրան, ապա այն չեղարկելու միակ և արդարացված տարբերակը կորոնավիրոսի համաճարակն է․․․

Եթե իշխանությունն իր ժողովրդին իրապես ցանկանար պաշտպաներ այդ վիրուսից, որի վտանգն, ըստ կանխատեսումների, «ահագնանում է», ապա այդ իշխանության գլուխ Նիկոլ Փաշինյանը համայնքից համայնք չէր շրջագայի ու հավաքներ չէր կազմակերպի, որպեսզի չնպաստի վիրուսի տարածմանը․․․

Իսկ այս պարագայում Առողջապահության նախարարության կանխատեսումներն իրականում նշանակում են, որ հասարակությունը ոչ թե պետք է վախենա կամ մտահոգվի վիոուսի համար, այլ պատրաստ լինի Փաշինյանի ու նրա թիմի նոր ազգադավ քայլերին․․․