Կենտրոնի նախկին թաղապետ Զուրաբյանի ընտանիքին պատկանող ընկերությունը մոտ 8 մլն դրամ աշխատավարձի պարտք է կուտակել․ նա անհասանելի է

Կենտրոնի նախկին թաղապետ Արարատ Զուրաբյանին պատկանող «Էլդորադո-Արմեն» ՍՊԸ աշխատակիցները կանգնած են խնդրի առաջ։ Նրանք չեն ստացել իրենց մի քանի ամսվա ու նույնիսկ տարիների կտրվածքով կուտակված հասանելիք աշխատավարձը։

NEWSPRESS.am-ի հետ զրույցում այդ մասին ահազանգեց Վարդան Գաբրիելյանը։ Նա 2019թ փետրվարին ընդունվել է «Էլդորադո-Արմեն» ՍՊԸ աշխատանքի՝ որպես գլխավոր հաշվապահ։

«Էլդորադո-Արմեն» ՍՊԸ-ն զբաղվում էր հանրային սննդի կազմակերպմամբ Տերյան 51 հասցեում, Օպերայի տարածքում: Իսկ ավելի կոնկրետ, խոսքը գնում է Արարատ Զուրաբյանի ընտանիքին պատկանող «Կարապի լիճ» սրճարանին կից գործող «Ամերիկանո» ժամանցի վայրին։ Արարատի կինը՝ Էդիտա Եղոյանը,  ընկերության հիմնադիրներից է, դուստրը՝ Անի Զուրաբյանը, հանդիսանում էր փաստացի գործադիր տնօրենը:

Մեր զրուցակցի խոսքով, վերջինս միանձնյա տիրապետել, տնօրինել և օգտագործել է ընկերությանը պատկանող գույքը, ֆինանսներն ու այլ ռեսուրսներ։ Այնպես որ շուտով ընեկությունը կանգնել է դժվարությունների առաջ ու պարտքեր կուտակել։

Ֆինանսական խնդիրները էլ ավելի են խորացել, երբ Արարատ Զուրաբյանը Կոնվերս բանկից մեծ չափերի պարտքեր է վերցրել։ Դեռ 2019 թվականին, բանկը պարտքի դիմաց  սրճարանը բռնագանձելու գործընթաց է սկսել։ Նաև լուրեր կան, որ սկսվելու է սննկացման գործընթաց։

Թեև այս մասին բազմիցս բարձրաձայնվել է, սակայն աշխատողները պնդում են, որ ի սկզբանե տեղյակ չեն եղել բանկի խնդիրներին ու նրա Զուրաբյանի հնարավոր սննկացման գործընթացին։

Ինչէ․․․

Մեր զրուցակիցը աշխատանքի ընդունվելով՝ զբաղվել է 3 գործառույթով․

Աշխատավարձ

2.Կանխիկ դրամաշրջանառություն

3.Ֆինանսական հաշվետվություն

4.Կրեդիտորական պարտքեր:

Նրան իր աշխատանքի դիմաց խոստացել են ամսական 500 հազար դրամ։ 

«Մեկ տարվա ընթացքում իմ աշխատավարձի պարտքը կազմեց մոտ 1 000 000 /մեկ միլիոն/դրամ: Դա այն դեպքում,որ երկու անգամ իր կողմից միակողմանի սահմանել է նոր աշխատավարձ հետադարձ հաշվարկով»,-ասաց Վարդան Գաբրիելյանը։

Ընդհանուր առմամբ, 14 աշխատողի ընդհանուր պարքտը կազմում է 7782000 / յոթ միլիոն յոթ հարյուր ութսուն երկու հազար/ դրամ։

 Նրանք փորձել են դիմել դատարան, սակայն խոստացել են պարտքը մարել և գործին ընթացք չի տրվել։

Ինչ վերաբերվում է մեր զրուցակցին, ապա նա 2019թ-ից դիմումներ է գրել Անի Զուրաբյանին և ձևակերպված գօրծադիր տնօրեն Դավիթ Առաքելյանին՝ աշխատանքից ազատելու վերաբերյալ: Նրան խոստացել են վճարել պարտքը, սակայն այդպես էլ սայլը տեղից չի շարժվել։

Նրան իհարկե հաջողվել է ազատվել աշխատանքից, բայց գումար այդպես էլ չի ստացել։

«Դրանից հետո Անի Զուրաբյանի հետ հաղորդակցվել եմ բացառապես SMS-ների միջցով, քանի որ չէր պատասխանում զանգերիս: 2020թ մարտի սկզբին իմ նախաձեռնությամբ հանդիպել եմ Արարատ Զուրաբյանին: Տեղեկացրեմ եմ, որ ինձ պարտք են աշխատավարձի մասով 1 000 000 /մեկ միլիոն/ դրամ: Խոստացավ վճարել մաս-մաս երբ կսկսի գործել բացօդյա սրճարանը»,-պատմում է մեր զրուցակիցն ու նկատում, որ մինչ օրս այդ գումարը վճարված չէ։

Նա նաև պատմեց տարօրինակ  զանգի ու հանդիպման մասին։ 

«Ապրիլ 2-ին ժամը12-00 սահմաններում ինձ է զանգահարում ոմն Վահագն Մինասյան, ներկայանում Զուրաբյան Արարատի ներկայացուցիչ: Հանդիպեցինք: Պարզվեց, որ ինչ-ինչ պայմանավորվածություների համաձայն Վահագն Մինասյանը պետք է վճարի մեր աշխատավարձի պարտքը: Տարբեր պատճառաբանություններով չորս օրվա ընթացքում Մինասյան Վահագնը վճարեց միայն աշխատակիցներից մեկի 95000 /իննսուն հիգ հազար/ դրամ պարտքը: Այդ օրվանից Արարատ Զուրաբյանը և Վահագն Մինասյանը չեն պատասխանում ոչ զանգերին ոչ sms-ներին»։

Մեր զրուցակիցը խորին համոզմունք ունի, որ Արարատ Զուրաբյանը ժամանակ է ձգում մինչև սննկացման հաստատումը, որից հետո ավելի հեշտ կլինի խուսափել պարտքերի վճարումից: