Հայհոյանքների տեղատարափն ու Նիկոլի պահապանների արջի ծառայությունը․ թշնամին մոտ է Սյունիքին (լուսանկարներ)

Այն, ինչ այսօր տեղի ունեցավ Սյունիքում կանխատեսելի էր՝ դանակը ոսկորին է հասել։ 

Շատ նորմալ էր, որ սյունեցիները մերժեցին վարչապետ Փաշինյան Նիկոլի մուտը Սյունիք։ Այսինքն՝ այն մարդու, ով հանձնել է թշնամուն Արցախի մեծ մասը, տարածքներ Սյունիքից և պատրաստվում է թշնամու առաջ բացել Սյունիքի դարբասները։

Շատ նորմալ է, որ սյունեցիներն իրենց հողը կորցնելու մտավախությամբ դուրս էին եկել փակելու կապիտուլյանտի առաջ Սյունիքի մուտքը, որպեսզի նրա ձեռքերը չհասնեն արգելված տարածքներին։

Շատ նորմալ էր, որ հայրենի հողից իրենց զրկողին ու Արցախյան պատերազմում մեծաքանակ զոհերի մեղավորին սյունեցիները դիմավորցին հարայ-հրոցով ու հայհոյանքներով․․․

Նորմալ չէ այն, որ ունեզրկման եզրին կանգնած ու հարազատներ կորցրած մարդկանց արարքը, ովքեր անգամ Փաշինյանի մուտքն էին փակել դեպի զոհվածների գերեզման, որակվում է որպես «նախկինների կազմակերպած սադրանք»․․․

Այն բանից հետո, երբ սյունեցիները կռվի բռնվեցին Նիկոլի անվտանգությունն ապահովող ծառայողների հետ ու հայհոյեցին նրան, նրա թիմակիցները լծվեցին պաշտպանության գործին։

Նախ Փաշինյանների ընտանիքին պատկանող armtimes.com-ը դաշտ նետեց լուր, թե իբր տեղի ունեցողը սադրան է, ապա Աժ փոխխոսնակ, Փաշինյանի պահապան-վահան դարձած Ալեն Սիմոնյանը նետվեց թևերը փռելու և պաշտպանելու իր «босс»-ին, թե՝ տեսեք իրական կապանցիներն ինչ լավ են դիմավորել մեր սրտի վարչապետին։

Նա նաև նկարներ է հրապարակել և կից գրել․ 

«Հենց հիմա Կապանում, առանց սադրիչների»։

Իհարկե առայժմ չենք կարող ասել, թե որտեղից են պեղել այս մի ձեռքի մատների վրա հաշված քաղաքացիներին, բայց չի բացառվում, որ նրանք կամ դրա համար լավ վարձատրվել են, կամ կապանցի իմքայլականներից որևէ մեկի բարեկամն են․․․ 

Վարչապետի խոսնակ Մանե Գևորգյանը ևս անցել է հակագրոհի։ Նա ևս լուսանկար է տեղադրել և կից գրել․

Պաշտպանության նետված 2 պահապանների դեպքում էլ, թեկուզ հենց իրենց իսկ կողմից տեղադրված նկարներում, երևում է, թե ինչպես են անվտանգության աշխատակիցները հսկում որպեսզի անցանկալի մարդիկ չմոտենան Փաշինյանին։ Եթե իսկապես ամեն ինչ այդպես ջերմ ու լուսավոր է, և Նիկոլը ցանկալի մարդ էր Կապանում, ապա ինչո՞վ է պայմանավորված նրա ձեռքը սեղմողների սակավաթիվ լինելն ու անվտանգության աշխատակիցների բազմաթիվ լինելը․․․

Իհակե ակնհայտ է, որ այս բեմականացումը պատրաստվել է իրադարձություններին օնլայն հետևողներին մոլորեցնելու, կամ ինչպես ասում են, մոնիպուլիացիայի ենթարկելու համար։

Այս բեմականացումները Նիկոլին հետևել են ամբողջ կյանքի ընթացքում, պարզապես հիմա դրանց որակն ու ասելիքն է փոխել։

Բայց այս ամենի մեջ ցավալին այն է, որ, որ ընդհանուր թոհուբոհի մեջ, կորչում է իրականությունն ու իրավիճակի իրական պատկերն անհետանում է օրակարգից։

Իրականում Սյունիքին մեծ վտանգ է սպառնում, որը շատ վարպետորեն քողարկվեց քաղաքացիների հայհոյանքների ներքո Փաշինյանի «զբոսանքի» ժամանակ․․․

Նա չգիտե՞ր, որ քաղաքացիներն իրեն չեն սպասում Սյունիքում, որ ինքը անցանկալի է, նա չգիտե՞ր, թե ինչ արձագանք կարող է լինել․․․ իհակե գիտեր, և չի բացառվում, մինչ Նիկոլը հայհոյանքների տարափի տակ չափչփում էր փողոցներն ու սկանդալների առիթ տալիս՝ սահմանին տեղի էին ունենում իրադարձություններ, որոնք պետք է այդ պահին ուշադրության կենտրոնում չլինեին․․․

Ամեն դեպքում այս պահի խնդիրը մեկն է՝ Սյունիքը վտանգված է, սյունեցիների ճակատագիրը՝ անորոշ, իսկ երևանաբնակների և մյուս մարզերի բնակիչների լինելիությունը՝ հարցականի տակ․․․