Սասուն Միքայելյանը ԵԿՄ շենքը ՔՊ-ի նախընտրական շտաբ է դարձրել (լուսանկար)

Այսօր՝ մայիսի 8-ին, Եռաբլուրում լրագրողների հետ զրույցի ժամանակ, Երկրապահ կամավորների միության նախագահ Սասուն Միքայելյանը զերծ մնաց քաղաքական երանգ ունեցող հարցերի պատասխաններից և նշեց, թե «Չեմ ուզում այս քաղաքական խաղերի մեջ մտնել»․․․

Սակայն փաստն այն է, որ որքան էլ հեռու փախչի Միքայելյան Սասունը քաղաքականությունից ու փորձի համոզել, որ ինքը մեղավոր չէ կատարվածի մեջ, երևույթներն ու փաստերն իրենց են ապացուցում։

Չենք քննարկում Սասուն Միքայելյանի «տարօրինակ» վիրավորումն Արցախյան երկրորդ պատերազմի ժամանակ․ նա «վիրավորվեց» ու հիվանդանոցից դուրս գրվեց «ճիշտ ժամանակին», երբ կապիտուլիացիայի չարաբաստիկ փաստաթուղթն արդեն ստորագրված էր․․․

Եթե նա իսկապես համաձայն չէր այդ թղթում զետեղված պայմանների հետ, ապա անմիջապես պետք է դներ իր պատգամավորական մանդատն ու դուրս գար, ինչպես ինքն է ասում, «քաղաքական խաղերից»․․․ 

Բայց նա ոչ միայն չարեց դա, այլև իր քայլերով ցույց է տալիս, որ հավատարիմ է կուսակիցներին ու չի դավաճանի նրանց․․․

Սին են Միքայելյան Սասունի հայրենաշունչ հայտարարությունները․․․

Այսօր, ԵԿՄ նախագահ Միքայելյան Սասունի թողտվությամբ, Էջմիածնի տարածքային կառույցի շենքը վերածվել է «Քաղաքացիական պայմանագիր» կուսակցության նախընտրական շտաբի։

Այլ կերպ ասած՝ իշխանությունը չարաշահում է իր դիրքը, օգտագործում լծակները՝ ԵԿՄ գրասենյակը Էջմիածնում դարձնելով իմքայլականների յուրահատուկ որջը․․․

Ու այստեղ արդեն էլ չի զարմացնում երբեմնի հաղթանակած, հերոս, ազատամարտիկ Սասուն Միքայելյանի այն հայտարարությունը, թե «ՀՀ հեղափոխությունը Արցախյան պատերազմից ավելի կարևոր էր․․․»։

Հայաստանի գլխավոր երկրապահն այլևս կոչված է ծառայելու ոչ թե երկրի պաշտպանության համար, այլ սպասարկելու գործող ու դավաճանության մեջ մեղադրվող իշխանության շահերը...

Արմինե Մկրտումյան