«Մեր զենքը մեր հավատքն է»․ Կոմանդոսին նվիրված հուշահամերգ՝ «Լույս» հայ-գերմանական նվագախմբի մասնակցությամբ (ֆոտո, վիդեո)

Մայիսի 9-ին՝ լենգենդար հերոս, գեներալ-մայոր Արկադի Տեր-Թադևոսյանի, նույն ինքը՝ Կոմանդոսի մահվան 40-րդ օրվա առիթով «ՀԵՆՔ» համահայկական հիմնադրամը, որի նախագահը հանդիսանում էր հենց գեներալը, կազմակերպել էր հուշ-երեկո նվիրված Կոմանդոսին։

«Լույս» հայ-գերմանական նվագախմբի և Երևանի Առնո Բաբաջանյանի անվան պետական երաժշտամանկավարժական քոլեջի նվագախմբի նվագակցությամբ ելույթ ունեցան մենակատարներ՝ Մանուկ Հարությունյանը, Նարինե Մաթևոսյանը, Լիլիթ Յանը և Լուիզա Պետրոսյանը։

Հայր Թովմա Վարդապետ Խաչատրյանը հանդես եկավ օրհնության խոսքով։ Նա նաև հիշեց իր և Կոմանդոսի միջև տեղի ունեցած մի զրույց։

Հայր Թովմաս Վարդապետ Խաչատրյանը հետաքրքրվել է Արկադի Տեր-Թադևոսյանից, թե ո՞րն է ամենաուժեղ զենքը։ Հայր Թովմասը խոստովանում է, որ երբ հարցը հնչեցնում էր, ակնկալում էր, որ Կոմանդոսը որևէ հզոր զենքի անուն կտա, որով այսօր զինված է մեր հայկական բանակը։ Սակայն Կոմանդոսը պատասխանել է․ «Մեր զենքը մեր հավատքն է․․․»։

Հոգևորականը նկատում է, որ այսօր էլ չպետք է վհատվել ու չընկճվել, որ մեր հողերը թշնամու ձեռքին է։ Նա վստահեցնում է, որ մեր զինուժը կվերականգնվի ու նորից մեր հողերը մերը կդառնան։

Կոմանդոսին նվիրված միջոցառման ընթացքում փոխգնդապետ, «ՀԵՆՔ» հիմնադրամի համահիմնադիր Արմեն Բայրամյանը ներկայացրեց լեգենդի համառոտ կենսագրությունՒ։ Կոմանդոսին հետմահու շնորհվեց հիմնադրամի նախագահ-հիմնադիրի պատվավոր կոչումը։ Հիմնադրամի հոգաբարձուների խորհրդի որոշումը շրջանակի մեջ հանձնվեց միջոցառմանը ներկա գտնվող Արկադի Տեր-Թադևոսյանի հարսին՝ Հայկ Թադևոսյանի կնոջը։

Նշենք, որ համայակական հիմնադրամը կոչված է աջակցել զոհված, վիրավոր զինվորականներին ու նրանց ընտանիքներին՝ սոցիալական տարաբնույթ հարցերով։

Միջոցառման ավարտին հնչեց «Լույս» նվագախմբի դիրիժոր Արտակ Ոսկանյանի Արտակ Ոսկանյանի հեղինակած «Արցախ» երգը։

Արմինե Մկրտումյան