Սկանդալ. ԱԽՔ Արմեն Գրիգորյանը «դանոսչիկություն» է արել ռուս գործակալների համար, հայտնել Փաշինյանի գաղտնի գործողությունների և նրա՝ Տեր-Պետրոսյանի հետ աշխատելու մասին

NEWSPRESS.am-ի ձեռքի տակ հայտնվել են սկանդալային տեղեկություններ Հայաստանի Անվտանգության խորհրդի քարտուղար Արմեն Գրիգորյանի մասին: Գրիգորյանը վերջին շրջանում հայտնի դարձավ թուրքերի նկատմամբ վերաբերմունքը «շտկելու» մասին իր հայտարարությամբ: Ավելի ուշ նա գնաց Տաջիկստան ու սկսեց մեղադրել Թուրքիային, թե՝ «Թուրք-ադրբեջանական տանդեմը, որը սանձազերծեց հազարավոր կյանքեր խլած վերջին Ղարաբաղյան պատերազմը, նպատակ ուներ արցախահայության լիակատար ֆիզիկական ոչնչացումը»:

Եվ ԱԽՔ-ի այս երկակի ստանդարտներով խաղերը միայն «ծաղիկներն» են:

Եվ այսպես. ապրիլի 29-ին Տաջիկստան գնացած Գրիգորյանը, NEWSPRESS.am-ի տեղեկություններով, հանդիպել է Տաջիկստանում Ռուսաստանի գործակալների հետ: Գրիգորյանը խնդրել է ռուսներին օգնել իրեն «անհետանալ»: Պարզ է, որ Գրիգորյանը հասկանում է կատարվածի հետևանքները, այդ թվում՝ իր պատասխանատվությունը. նա սեփական կաշին փրկելու կարիք ունի: 

Իսկ ահա ռուսները նրան պատասխանել են մոտավորապես հետևյալը՝ եթե ամեն ինչ անես մեր ասածով, ապա քեզ համար ամեն ինչ կարգին կլինի:

Հայաստանի անվտանգության պատասխանատուն «խաբար է տվել» ռուսներին, որ ամեն ինչի մեղավորը Նիկոլ Փաշինյանն է: Ավելին՝ նա նշել է, որ Փաշինյանը միայնակ չի գործում, այլ քաղաքական կնքահայր Լևոն Տեր-Պետրոսյանի հետ և նրանք համատեղ աշխատում են օտարերկրյա գործակալների հետ ու նրանց համար: 

Մեր տեղեկություններով՝ Գրիգորյանի «դանոսչիկությունն» այսքանով չի ավարտվել. նա ռուսներին նաև հայտնել է, որ փետրվարի 5-ին Ղազախստան մեկնած Փաշինյանը գաղտնի հանդիպում է ունեցել Թուրքիայի և Ադրբեջանի գործակալների հետ:

Այժմ, ստացվում է, որ Գրիգորյանը երկակի խաղ է խաղում. այստեղ նա ներկայանում է իբրև Փաշինյանի բարեկամ, մինչդեռ վերջինիս պլանների մասին հայտնում է «դրսերում»:

NEWSPRESS.am