Ինչպես է Իվետա Տոնոյանը կազմաքանդում ԲՀԿ֊ն

Առերևույթ հանդարտ ծով հիշեցնող «Բարգավաճ Հայաստան» կուսակցության ներսում ստորգետնյա փոթորկումներ են, որոնք քիչ-քիչ իրենց զգալ են տալիս ու լույս աշխարհ գալիս: NEWSPRESS.am-ի տեղեկություններով՝ ԲՀԿ–ականների շրջանում տեղի ունեցող խժդժությունների հետևում կանգնած է պատգամավոր Իվետա Տոնոյանն ու էլի մի քանի ԲՀԿ-ականներ, ովքեր իրենց գործողություններով ոչ թե նպաստում են ԲՀԿ֊ի գործունեությանը, այլ տարիների պատմություն ու բավականին բարձր վարկանիշ ունեցող կուսակցությունը տանում են կազմաքանդման:

Իրականում Տոնոյան Իվետան ցայտնոտի մեջ է ընկնում, երբ կուսակցությունում հայտնվում է իրենից խելոք ու խելացի մեկը, կամ ցանկացած մի ուրիշը, ով իր պատվախնդիր տեսակով, հավակնում է իրենից առաջ անցնել...

Ու հենց այդ պահին Տոնոյանն ու իր «թիմը» վրա են հասնում...

Տոնոյանը գտել է ձևը, որը ստիպում է ԲՀԿ նախագահ Գագիկ Ծառուկյանին անվերապահորեն հավատալ ու վստահել իրեն:

Նախ, շատ խնդիրներ, որոնք իրականում կուտակվել են ԲՀԿ-ի շուրջը և որոնց մասին տեղյակ է Տոնոյանը, այդպես էլ Ծառուկյանին չեն հասնում: Նրան զեկուցվում է միայն ոգևորող ու բարի նորությունները: 

Սրանով իհարկե նա ոչ թե օգնում, այլ նպաստում է այն բանին, որ օրեցօր կորչում է ԲՀԿ-ի նկատմամբ հավատն ու վստահությունը հասարակության շրջանում...

Տոնոյանը, քաջ գիտակցելով, որ սևերի ու սպիտակների տարանջատումը երբեք ոչ մի լավ բանի չի հանգեցրել, ինքն է իր ձեռքով կուսակցության ներսում ԲՀԿ-ականներին տարանջատում սևերի ու սպիտակների... 

Այդպես նա, ինչպես ասում են, քանդեց Գևորգ Պետրոսյանի ոտքի տակը...

Պետրոսյանը կուսակցությունում թերևս այն ամբիցիոզ տեսակն էր, ով ոչ միայն խոսքով, այլ գործով կարող էր ապացուցել իր դիրքորոշումները՝ իր ազգի ու հայրենիքի նկատմամբ: Նրան իրականում շատ հարգողներ կան, քանի որ վերջինս վճռական է, ճիշտ խոսքը դեմքին շպրտող ու իրերը կոչում է իրենց անուններով... Սակայն այս տեսակը Իվետայի սրտով չէր:

Առևերույթ ցույց տալով, թե պաշտպանում է Գևորգ Պետրոսյանի հայտարարությունները՝ նա հասավ նրան, որ Պետրոսյանը թքեց ԲՀԿ-ի վրա ու ի վերջո դուրս եկավ կուսակցությունից...

Տոնոյանը փորձում է դավեր հյուսել նաև Նաիրա Զոհրաբյանի թիկունքում: Մեր տեղեկություններով՝ նրա նախաձեռնությամբ Ծառուկյանին  զեկուցվում է այնպես, թե իբր Զոհրաբյանը սևացնում է ԲՀԿ-ի դեմքը...

Իհարկե, անկեղծության համար չենք կարող չասել, որ որոշ շրջանակներում Զոհրաբյանին այդքան էլ չեն ընդունում ու չեն սիրում: Բայց, ինչպես կասեր դասականը, սերը քաղաքական կատեգորիա չէ...

Չմոռանանք Նաիրա Զոհրաբյանի ոգեշունչ ելույթները ԵԽԽՎ-ում ու այնտեղ նրա «պորտադրումները»՝ հօգուտ Հայաստանի ու հայ ազգի... 

Զոհրաբյանն այն ներկայանալի գործիչն է, ով կարող է պաշտպանել մեր հավաքական շահերը՝ դիվանագիտական կորպուսում:

Քանի՞ անգամ է Իվետան հանդես եկել համարձակ հայտարարություններով, քանի՞ անգամ է նա աչքի ընկել իր համարձակ գործողություններով, քանի՞ անգամ է ի շահ ժողովրդի մի գործ սկսել ու այն տարել մինչև վերջ... եղե՞լ է այդպես, մենք տեղյակ չենք...

Փոխարենը նրա  «բարի կամքի դրսևորմամբ»՝ Նաիրա Զոհրաբյանը ընտրացուցակում չի ընդգրկվել... 

Մեր տեղեկություններով, Տոնոյան Իվետի թիրախում է հայտնվել նաև Շաքե Իսայանը, ով բոլորովին վերջերս ընտրվել է ԲՀԿ փոխնախագահ...

Թե ինչ է Տոնոյանը նախապատրաստում Իսայանի համար ու էլ ինչ դավեր է հյուսել՝ կանդրադառնանք մեր հաջորդ հրապարակումներում: