Сволочь. Тварь продажная. Ինչի՞ ձեր ոչ մեկի լակոտները չգնացին պաշտպանելու հայրենիքը, կոտորվեք՝ դուք էլ, ձեր անթասիբ լակոտներն էլ. զոհվածի մայրը՝ Բուռնաշին (ֆոտո)

Աշոտ Աղաբաբյանը, նույն ինքը՝ նախկին Հանրապետական Բուռնաշը, օրերս հայտնվել է լայն հասարակության թիրախում՝ արտահայտած տխմար մտքերով, որոնք վիրավորել են նաև պատերազմում զոհվածների ծնողներին: 

Նա նախ նշել է, որ այս իշխանություններն «ազնվագույն մաքրություն ունեն», հետո ասել, թե «այս իշխանություններն Արցախը չեն հանձնել», հետո հորդորել՝ «էդ զոհերով» էդքան  մարդկանց չխեղաթյուրել, դարձնել մա­տի փաթաթան:

Դա էլ բավարար չէ, խոսելով զոհերի ընտանիքների մասին, նա մի ցինիկ արտահայտություն է արել, որով ցույց է տվել, որ եթե իր զավակները զոհվեին պատերազմում հանուն ոչնչի, ինքը «փողը կառներ» ու ձայն չէր հանի: Այս մի նախադասությամբ բացահայտում է, որ ինքը պատրաստ է փողով վաճառել իր զավակների արյունը: 

«Էթան փող առնեն, հետո գան իրենց էրեխի համար ցույց անեն, լացեն»,- բարբաջել էր նա: 

Նա այդքանով չի բավարարվել, շարունակել է շողոքորթել Փաշինյանին, թե «Նիկոլը հերոս ա, կանգնեցներ, որ Շուշի՞ն հանձներ»:

Երբեմնի կարկառուն ՀՀԿ-ական, այժմ իշխանությունների համապատասխան տեղում տաքում տեղավորված Բուռնաշը գերազանգել է ինքն իրեն՝ անելով հետևյալ հայտարարությունը. «Հինգ հազար կլինի, տաս հազար կլինի, կապ չունի, դա հայրենիքի պաշտպանության համար է»:

Սա նման է նրա նորօրյա սիրելի Նիկոլի հայտնի հայտարարությանը, երբ նա ասաց, որ «պատերազմի զոհերի թիվը կլինի 4000-ի կարգի, պլյուս-մինուս 50»: 

Բայց Բուռնաշին ամենադիպուկն ու ամենաարժանին պատասխանել է պատերազմում հերոսաբար զոհված, հետմահու «Մարտական ծառայության» մեդալի արժանացած Հայկազ Մկրտչյանի մայրը՝ Աննա Մայիլյան-Մկրտչյանը:

Նրա մեկնաբանությունը լրատվական կայքերից մեկի ֆեյսբուքյան էջում, ի պատասխան Բուռնաշի հարցազրույցի, առանց խմբագրման՝ ստորև. 

«Сволочь. Тварь продажная! Տեսանք, ինչ արեցիք մեր երեխաների արյամբ պահած տարածքները, հիմա էլ անամոթոբար շարունակում եք շռայլորեն նվիրել թշնամուն։

Ինչի՞ ձեր ոչ մեկի լակոտները (այո, հենց լակոտները), չգնացին պաշտպանելու
հայրենիքը։ Թե՞ դա պաշտպանելու խնդիր առաջանալու դեպքում՝ մերն է, վայելելու ժամանակ՝ ձերը:

Ինչ է իրենք չէի՞ն ուզում ապրել։

Կոտորվեք' դուք էլ, ձեր անթասիբ լակոտներն էլ, ձեզ կուրորեն հավատացողները։ Դուք տեղ չպետք է ունենաք մեր հայրենիքում, որը պահեցին մեր տղաները, այլ ոչ' թե ձեր։
Սրիկա»: