Հիմա հերթը Խոզնավարին է․ թշնամին առնվազն 1,5կմ առաջ է եկել, տեղի բնակիչները գյուղից հանել են իրենց երեխաներին, տղամարդիկ փորձում են ինքնուրույն պահել գյուղը․ Հոխիկյան

Տիգրան Ավինյանը էլ չի ուզո՞ւմ գնալ նկարվել այնտեղ, թե՞ պետական ամբողջ ապարատը իմ դեմ հանելով ու վարկաբեկման աշխատանք տանելով՝ փորձեցին լռեցնել։ Սյունեցի պատգամավոր, անհաղթ-հերոս Արմեն Խաչատրյանը էլ չի՞ պատրաստվում զինվորական համազգեստով գնալ շփման գիծ ու նկարվել, թե ինչպես է խիստ դեմքով վախեցնում թշնամուն։ Ֆեսբուքի իր էջում գրել է հեռուստամեկնաբան, վերլուծաբան Նաիրի Հոխիկյանը։

«Թշնամին հիմա էլ առաջ է եկել Սյունիքի Խոզնավարի ուղղությամբ․ Հիշո՞ւմ եք, զգուշացնում էի՝ թշնամին առաջ է գալու մյուս ուղղություններում ևս, և պետք է ամրացնել բոլոր հատվածները։

Հիշո՞ւմ եք, զգուշացնում էի, որ թշնամին յուրաքանչյուր հաջորդ սադրանքով մոռացնել է տալու իր նախորդ առաջխաղացումը։

Այսօր արդեն մոռացել ենք Սև լճի ու Մեծ Իշխանասարի մասին, խոսում ենք Վարդենիսի գյուղերի մասին, իսկ թշնամին բավական լավ ամրացել է Սև լճի մոտ։

Տիգրան Ավինյանը էլ չի ուզո՞ւմ գնալ նկարվել այնտեղ, թե՞ պետական ամբողջ ապարատը իմ դեմ հանելով ու վարկաբեկման աշխատանք տանելով՝ փորձեցին լռեցնել։ Սյունեցի պատգամավոր, անհաղթ-հերոս Արմեն Խաչատրյանը էլ չի պատրաստվու՞մ զինվորական համազգեստով գնալ շփման գիծ ու նկարվել, թե ինչպես է խիստ դեմքով վախեցնում թշնամուն։

Հիմա հերթը Խոզնավարին է։ Թշնամին առնվազն 1,5կմ առաջ է եկել, տեղի բնակիչները գյուղից հանել են իրենց երեխաներին, տղամարդիկ փորձում են ինքնուրույն պահել գյուղը։

Պետականությունը հոգեվարքի մեջ է։ Վերջապես ոտքի կանգնելու ժամանակն է․․․»