Տավուշն ու ամբողջ Հայաստանը մահացու վտանգի մեջ են. Էլբակյանը մանրամասներ է ներկայացնում

Քաղաքագետ, փորձագետ Էդգար Էլբակյանը տելեգրամյան իր ալիքում գրել .

«ԼՈՒՐ ՏԱՎՈՒՇԻՑ

* Տավուշում ենք։ Շուրջ 1 ամիս է՝ նախկին Վերին Ոսկեպարի անկլավի վարչական սահմանին (աշխ. կոորդ. 41°03′29.6″N 45°02′28.91″E) տեղակայված են ՀՀ ԶՈՒ N զորամասի n թվով զինծառայողներ։ Սա նշանակում է, որ արդեն 1 ամիս է՝ ժողովրդի թիկունքում ինչ-որ բան է հյուսվում։

* Տեղի բնակչությանը փորձում են համոզել, թե ամեն ինչ արդեն հանձնված է, որ զրկեն պայքարի ու դրանով բան փոխելու հույսից։

* Իսկ տեղի բնակչությունը, տեղյակ այս ամենին, ահազանգ բարձրացնելու փոխարեն ուրախանում է, որ 2 ամիս առաջ գյուղից «լարել են» 5-րդ ալիք / 5 TV լրագրողին…

ՊԵՏՔ Է ԱՐՁԱՆԱԳՐԵԼ, ՈՐ

1) Տավուշն ու ամբողջ Հայաստանը մահացու վտանգի մեջ են,
2) այդ վտանգը դեռ հնարավոր է կանխել, իսկ ով համոզում է, որ հնարավոր չէ, ջուր է լցնում կապիտուլյանտի ջրաղացին,
3) ժողովուրդը գտնվում է օտար ազդեցությունների լծի տակ,
4) ակնկալել, որ ժողովուրդն ինքը կթոթափի այդ լուծը, միամտություն է, եթե չասենք հիմարություն, քանզի
5) օտարերկրյա լուծը միշտ թոթափվում է էլիտաների կազմակերպած ժողովրդական շարժման արդյունքում»: