Եկեք գծերը գծենք թշնամիների հետ, մեր էրեխեքին փոքր, բայց ապահով տեղ տանք. Սոս Ջանիբեկյան

Դերասան Սոս Ջանիբեկյանը, ով երեկ երեկոյան մի քանի գրառում էր արել, ապա հեռացրել դրանք, ուշ երեկոյան այսպես ասած ամփոփիչ գրառում է արել.

Նրա գրառումը ներկայացնում ենք որոշակի խմբագրումներով. 

«Ոբշմ էլ ոչ մի բանի հավես չկա, բարի գիշեր.

Երկու վերջին բանն ասեմ ու քնեմ, թե ներկա թե նախկին...

1) եթե էնքան ենք ուժեղանալու, զենքեր ենք առնելու, զինվորը մեր միակ հերոսն ա լինելու, պաշտոնյան զինվորի բարեկեցության մասին ա մտածելու ու իրա խոնարh ծառան ա լինելու, գեներալը զինվորի մոտ գաղափարական առաջնորդ ա լինելու, քիմիկը ու ֆիզիկը ստանալու են տարածություն զարգացնելու գիտելիքը և ստեղծելու նոր գիտություններ կամ ռազմագիտական հայտագործություններ, դասախոսներրը ճիշտ գիտելիքներ են տալու մեր էրեխեքին, տատիկ պապիկների թոշակը բավարար ա լինելու, գյուղացուն սիրելու ենք, ապօրինի շինություններ չենք սարքելու հարգելով ճարտարապետությունը մեր երկրի, մեր ունեցածի համար պայքարելու ենք, ամբողջ աշխարհին մեզ դաշնակից ենք սարքելու, իրար չենք քրֆելու, իրար տուն չենք քանդելու ու տեղը 200$ տանք տնից գնացողին, իրար սիգնալի համար չենք սպանելու, իրար քյոմագ ենք լինելու, օլիգարխը թատրոն ա գալու, ոչ մի հայ փողով գյոզալ հայ աղջկան չի գայթակղելու քաձ սարքի իրան ու էդ աղջկա ճակատագիրը փչացնի, եթե թաց տեղից չոր չենք դուրս գալու, իրար համար էլ թաց տեղ չենք պառկելու, եթե Աստվածաշունչ ենք կարդալու, իրար ներելու ընծայված գաղտնատես Աստծո մեջ, եթե մեր էրեխեքին, կնանիքին շատ ենք սիրելու ու մեր տան մեջի տաքություն ենք զգալու, Եթե իրար մեջ փրկություն ենք տեսնելու, ուրեմն` կվերցնենք հաստատ մենք մեր հողերը, Շուշին էլ Հադրութն էլ... մնացածն էլ...

2) եթե էլի չենք սիրելու իրար, խաբելու ենք, քրֆելու, քցելու, ուրանալու, ուտելու, թալանելու, էկեք գծերը գծենք թշնամիների հետ, մեր էրեխեքին փոքր, բայց ապահով տեղ տանք...

Բարի գիշեր, թող Նարեկացին Ձեզ ընկեր լինի, բանական մեղսավոր աղաչանքներով լի իմ սրտի ընկերը... Աստված Մեզ հետ... Բոլորիս...»,- գրել է նա: