Ինչո՞վ են Վանոյի Արտակն ու նրա կուսակիցներն ավելի լավը Նիկոլից...

Դեռ ոչ վաղ անցյալում  Արտակ Գալստյանը՝ Վանոյի Արտակը, իր լայվերով ու ֆեյսբուքյան գրառումներով տառացիորեն «օճառապղպջակային» գործունեությամբ էր զբաղված ու իր համապատասխան հետքն էր թողնում Նիկոլ Փաշինյանի հետույքին: 

Նա, ով Նիկոլին դիմում էր «վարչապետ ջան»-ով ու առիթը բաց չէր թողնում մեծարելու, հանկարծ ինչ-որ մի պահի դադարեցրեց գովաբանություններն ու սկսեց փնովել նրան...

Արտակը Փաշինյանին սկսեց կապել նախկինների հետ ու հայտարարեց, թե իբր Նիկոլը պայմանավորված էր նախկինների հետ ու հիմա օգնում է նրանց վերարտադրմանը: 

Արտակ Գալստյանն ինքն էլ է որոշել մասնակցել ընտրություններին՝ ընդգրկվելով «Հայոց Հայրենիք» կուսակցության կազմում ու իրեն հռչակելով վարչապետի թեկնածու...

Մտածել անգամ չի կարելի, թե ինչ կլինի մեր երկրի վիճակը, եթե իշխանությունը մնա «արտակգալստյանների» կամ որ նույնն է՝ Վանոյի Արտակի հույսին...

«Ո՞վ է Վանոյի Արտակը» հարցի պատասխանը թերևս շատ քչերի մոտ կարող է լինել: Այն, ինչ կարելի է իմանալ google-որոնման արդյունքում Արտակի մասին, բավարար է հասկանալու համար, թե ով կարող է լինել նա... 

Գալստյանը մի քանի անգամ հայտնվել է աղմկալի պատմությունների կիզակետում, ՀՔԾ կողմից մեղադրվել է առանձնապես խոշոր չափի շորթման մեջ և կալանավորվել...

Այնպես որ, ինքն իրեն իրավապաշտպան հռչակած այս մարդը մեծագույն իրավախախտ է:

Ըստ որոշ հրապարակումների՝ Վանոյի Արտակն իրականում մի լոմբարդատեր վաշխառու է, ով զբաղվել է մարդկանց ունեզրկմամբ, նրանցից խլել տներ, բացել է կայքեր («Crime news» և այլն), որոնց միջոցով վարկաբեկել է մարդկանց, ենթարկել շանտաժի, դրամաշորթությամբ զբաղվել:

Որոշ աղբյուրների համաձայն էլ՝ Վանոյի Արտակն ու փաստաբան Սուսաննա Սարգսյանը, ով այսօր ևս ընդգրկված է կուսակցության ցուցակում, գործել են միասին ու անգամ խաբել այն ծնողներին, որոնց երեխաներին ապօրինաբար վաճառել են (խոսքը՝ Ռազմիկ Աբրահամյանի կողմից երեխաների վաճառքով զբաղվելու վերաբերյալ աղմկահարույց գործերի մասին է. մայրերը փորձել էին սեփական շահերը պաշտպանել, մասնավորապես, նույն Սուսաննա Սարգսյանի օգնությամբ, սակայն խաբվել էին):

Ասում են նույնիսկ, որ նա սկսել է շոյել Նիկոլի հետույքը, որպեսզի սիրաշահի նրան ու զերծ մնա հնարավոր կալանավորումներից: Նույն աղբյուրի համաձայն էլ՝ Գալստյանին բերդից ազատ է արձակել հենց Նիկոլ Փաշինյանը՝ օգտվելու համար նրա կեղտոտ ծառայություններից...

Թե էլ ինչ կեղտոտ խաղեր է խաղացել Վանոյի Արտակը, թերևս կարելի իմանալ նույնիսկ համացանցում նրա անուն-ազգանունով որոնումների արդյունքում:

Ու խնդիրն այն է, որ այս որակի մարդիկ, ընդգրկվելով մի կուսակցության մեջ, փորձում են շահարկել երկրում առկա լարված իրավիճակն ու գալ իշխանության:

Բռնելով Փաշինյանի պոչն ու այն բաց թողնելով հարմար պահի՝ Արտակ Գալստյանը որդեգրել է «Սուտ Նիկոլի» ուղին. մտնում է անձնական տիրույթ, փորձում սևացնել մրցակիցներին ու «իշխանության» գալ՝ նսեմացնելով մյուսներին...

Այսպես Նիկոլն էլ նախկինների «դիակների» վրայով եկավ (սև ժապավեններով լուսանկարներ, ծաղկեպսակներ, դագաղներ), եկավ՝ մտնելով սրա ու նրա անկողինը, քսակն ու... մի խոսքով՝ պտտվելով ու շրջանցելով կարևորագույն հարցերը, մյուներին սևացնելու հաշվին եկավ նստեց «թագավոր»...

Հիմա Վանոյի Արտակ կոչեցյալն է գնում նույն ճանապարհով. նա իր կուսակիցների հետ փորձում է վատաբանել բոլորին, մեղադրել բոլորին, միայն այդ մեղքը չկապվի Տեր-Պետրոսյանական կլանի հետ...

Մինչդեռ իրապես մտահոգ մարդիկ, ոչ թե վատաբանում են ուրիշներին, այլ անդրադառնում են մասնատվող երկրի խնդիրներին ու քայլեր ձեռնարկում այդ ուղղությամբ: Հայրենիքը վտանգված է....

Եթե Արտակի կուսակիցները վարկաբեկում են բոլորին ու նույնիսկ վիրավորական արտահայտություններ նետում Նիկոլի հասցեին, ապա ինչո՞վ են նրանք ավելի լավը Նիկոլից...

Սա Նիկոլի նույն ոճն է, նույն ձեռագիրն ու գալիս է լևոնական թևից...

NEWSPRESS.am