Այսօր նժարի վրա դրված են լրիվ այլ հարցեր. Ռոբերտ Քոչարյան

Այս ընտրությունները յուրահատուկ ընտրություններ են, հավատացեք ինձ: Ես երկու անգամ անցել եմ ընտրությունների ճանապարհով, բայց առաջներում ընտրությունները եղել են պայքարի ձևով՝ թիմերի մեջ: Փորձում էինք համոզել՝ ով ավելի լավ կղեկավարի Հայաստանը, ով է ավելի ճիշտ թեկնածու, բայց երբեք չի եղել հարց լինել-չլինելու, երբեք չի եղել հարց, որ երկիրն անպաշտպան է: Այդ մասին Սյունիքի մարզի Սիսիան քաղաքում ասաց ՀՀ երկրորդ նախագահ, «Հայաստան» դաշինքի վարչապետի թեկնածու: 

«Մենք հաղթած ժողովուրդ էինք, հաղթած երկիր էինք և ավելի շատ խոսում էինք՝ ինչպես զարգացնել, ով է լավ, ոչ չի լավ, կոռուպցիան շատ է, քիչ է: Այն թեմաների շուրջ էին, որոնցով ապրում էր հաղթանակած ժողովուրդը և որը ցանկանում էր բարելավել իր կյանքը: Այսօր նժարի վրա դրած են լրիվ այլ հարցեր. այսօր այս ընտրությունը ընտրություն է արժանապատիվ խաղաղության և չոքած վիճակում կյանքը շարունակելու մեջ: Այսօր ընտրություն է անվտանգ երկիր ունենալու և անվտանգությունը սպառնալիքների մշտական ազդեցության տակ ապրելու մեջ: Այսօր դա տնտեսական վերելք ունենալ է, թե՞ հակառակը՝ տնտեսական անկումի շարունակությունը, որի հետևանքներ են արտագաղթը, գործազրկությունը և աղքատությունը: Եվ իհարկե, մեր ներքաղաքական մթնոլորտում մենք վերջապես հաստատելու ենք համերաշխություն, իրար նկատմամբ հարգանք, թե՞ շարունակելու ենք ատելություն գեներացնող հասարակություն ունենալ և բաժանված լինել սևերի և սպիտակների: Այս ընտրություննները հենց դրա մասին են՝ մենք սա ենք ուզում, թե՞ նա ենք ուզում: Եվ ձեզանից է կախված, ձեր քայլերից, թե՞ մենք ինչպիսի Հայաստան ենք ունենալու՝ իրար «ուտող» հասարակություն, թե՞ միավորվելու ենք մեկ ուժի շուրջ, որը փորձելու է այս փոսից երկիրը հանել»,- ասաց Քոչարյանը: