Անջատեք էդ լայվը. ՔՊ-ական շտաբի պետի կարծիքով՝ 90% քաղաքացիներ մտածում են, որ հականիկոլական քարոզը նույն հակահայկականն է (տեսանյութ)

ՍԴ աշխատակազմի նախկին ղեկավար Էդգար Ղազարյանը քիչ առաջ լայվ է մտել Վայք քաղաքից, որտեղ զորամասի հարևանությամբ փակցված է «Քաղաքացիական պայմանագիր» կուսակցության քարոզչական պաստառը:

Լայվին միջամտել է ՔՊ-ի շտաբի պատասխանատու Վարուժան Հարությունյանը, ով կողքից ասել է՝ «պարոն Ղազարյան», «այստեղից լայվ մի արեք»:

- Մի խանգարեք, խնդրում եմ,- ՔՊ-ի ասել է շտաբի պատասխանատուն:

- Ո՞ւմ եմ խանգարում: 

- Մեզ եք խանգարում:

- Ինչո՞վ եմ խանգարում: 

- Ես շտաբի պատասխանատուն եմ և ես թույլ չեմ տալիս այստեղից լայվ անել: Վարուժան Հարությունյան:

- Վարուժան Հարությունյանը թշնամական շտաբի պատասխանատուն է:

- Վարուժան Հարությունյանը թշնամական շտաբի պատասխանատուն չի: Վարուժան Հարությունյանը էս երկրի մտածողներից մեկն է: 

- Մենք գտնվում ենք Վայք համայնքի վարչական տարածքում, ինձ չխոչընդոտեք, չասեք՝ ես իմ ծննդավայրում ինչով զբաղվեմ:

-Մենք Ձեզ հարգում ենք, բայց թույլ չենք տալիս լայվ անեք ստեղ: 

Ղազարյանը նրան բացատրել է, որ նրա պատասխանատվությունը վերջանում է շտաբի տարածքում, սա հանրային տարածք է: 

-Հակահայկական քարոզչություն (նկատի ունի հակաիշխանական), խնդրում եմ, մի արեք: Դա իմ կարծիքը չի, դա Հայաստանի 90 տոկոս քաղաքացիների կարծիքն է,- ասել է ՔՊ-ական շտաբի պետը, որը դրանից հետո սկսել է ձեռքերին անել: 

Ամփոփելով լայվը՝ Ղազարյանը շեշտել է, որ իր նպատակը ցույց տալն է, որ «մեր զինվորներն ունեն թշնամուն (նկատի ունի՝ Նիկոլ Փաշինյանին) նայելու հնարավորություն»: 

Մանրամասները՝ տեսանյութում