Մարդը խոսում է շինելուց, արա, սաղ կյանքդ տվող ես եղել, նապաստակն առյուծներին չի կարա չելենջ անի, այ ընկեր, մի հատ լրջացի. Շարմազանովը՝ Փաշինյանին (տեսանյութ)

Ակնհայտ է, որ ռեժիմը՝ կապիտուլյանտ հողատուի գլխավորությամբ, հոգեվարքի մեջ է և այդ հոգեվարքի վառ ապացույցը նրա և նրա «քաղաքական թիմի» , իսկ իրականում՝ խունտայի անհավասարակշիռ, զգացմունքային, վիրավորական, բռնություն պարունակող կոչերն են: Այդ մասին այսօր մամուլի ասուլիսի ժամանակ ասաց ՀՀԿ մամուլի խոսնակ Էդուարդ Շարմազանովը: 

«Կապիտուլյանտը սրընթաց գահավաժում է, նրա վարկանիշը գահավիճում և դա այլևս որևէ  կերպ չի կարելի կանգնեցնել: Ինչպես Նապոլեոնը կասեր, կարելի է կանգ առնել վերելքի ժամանակ, բայց գահավիժման ժամանակ անհնար է կանգ առնել: Ուստի արձանագրենք, որ նրա նյարդային, ոչ ադեկվատ, ոչ մարդկային հայտարարությունները, վարքագիծը խոսում են նրա մասին, որ հենց Նիկոլը՝ այդ կապիտուլյանտը, շատ լավ գիտակցում է, որ ինքը գահավիժում է: Գոռգոռալը, բռնությունը դրանք թուլության նշաններ են: Ինձ հայտնի չէ քաղաքականության մեջ, պատմության մեջ որևէ լուրջ քաղաքական գործիչ կամ քաղաքական թիմ, որը առավոտից երեկո զբաղված է լաչառությամբ, շառ անելով կամ ճղճղալով, էլ չեմ ասում՝ գործադիրի ղեկավարը: Մարդ, որը 3 տարի «ղեկավարել է» Հայաստանը ու խոստանում է ապագա, ապագայից ոչ մի բան չի խոսում, միայն աջուձախ ճղճղում է, դա խոսում է նրա անհավասարակշիռ, ճգնաժամային վիճակի մասին: Մարդը խոսում է, ներողություն, շինելուց, արա սաղ կյանքդ տվող ես եղել, Ալիևին տվեցիր մեր հայրենիքի 75 տոկոսը, Շուշին, Հադրութը տվողը, 5000 զոհ տվողը խոսում է շինելուց, դու ոչ շինելու հետ կապ ունես, ոչ կառուցելու, դու քանդելու հետ կապ ունես ու տալու հետ: Մարդ, ով 3 տարվա մեջ ու էս ամիսների ընթացքում, 44 օրվա մեջ չհամարձակվեց Ադրբեջանի սուլթանին մի թթու խոսք ասեր, էսօր Արցախն ազատագրած Արցախի հերոսներին տղամարդկության չելենջ ա անում: Նապաստակն առյուծներին չի կարա չելենջ անի, այ ընկեր, մի հատ լրջացի»,- ասել է Շարմազանովը: 

Մանրամասները՝ տեսանյութում