Կանխե՛ք պետական մակարդակով նախապատրաստվող արյունահեղությունը. Նաիրի Հոխիկյան

Կրկին դիմում եմ պետության ներքին անվտանգության համար պատասխանատու մարմիններին՝ կանխեք արյունը, այն շատ մոտ է, այն ծնկի է բերելու մեզ։ Նիկոլ Փաշինյանի երեկվա վենդետայի կոչը հաջորդ քայլն է արյունահեղության նախապատրաստման, ինչի վերջին ակորդը կլինի հունիսի 20-ի երեկոյան լայվը։ Կանխեք պետական մակարդակով նախապատրաստվող արյունահեղությունը, մենք բոլորս հայ ենք՝ անկախ քաղաքական հայացքներից։ Այս մասին ֆեյսբուքյան իր էջում գրել է լրագրող, վերլուծաբան Նաիրի Հոխիկյանը։

«Ներքևի հրապարակումը Նիկոլ Փաշինյանի մոլեռանդ աջակցի կողմից արվել է մոտ 1 ամիս առաջ։ Այն ժամանակ արդեն նշմարվում էին իշխանության կողմից կազմակերպվող ներքին բախումների ծիլերը։ Սրանք տեխնոլոգիաներ են, որոնք մարդկանց որոշ զանգվածների մեջ աստիճանաբար ներարկում են բացասական էներգիայի տեղեկատվական դոզաներ, հետո անհրաժեշտ պահին այդ մարդկանց կտրվի կոնկրետ հրահանգ։

Հրապարակմանն արձագանքել է բավական մեծ թվով իրական, ոչ ֆեյք մարդ՝ ոգևորվելով արյունահեղության հնարավորությունից։

Այն ժամանակ դիմեցի ոստիկանության համապատասխան ծառայություններին՝ կանխելու նախապատրաստվող բախումները։ Կրկին դիմում եմ պետության ներքին անվտանգության համար պատասխանատու մարմիններին՝ կանխեք արյունը, այն շատ մոտ է, այն ծնկի է բերելու մեզ։

Նիկոլ Փաշինյանի երեկվա վենդետայի կոչը հաջորդ քայլն է արյունահեղության նախապատրաստման, ինչի վերջին ակորդը կլինի հունիսի 20-ի երեկոյան լայվը։ Կանխեք պետական մակարդակով նախապատրաստվող արյունահեղությունը, մենք բոլորս հայ ենք՝ անկախ քաղաքական հայացքներից»,- գրել է Նաիրի Հոխիկյանը։