Մեծ ախորժակ, տխուր թվեր. Նորակերտում՝ 90%, Մեծ Մասրիկում` 70% ձայն ստանալու ակնկալիք ունեցող Շիշ բռնողի hետ հանդիպման է եկել մոտ 4.3 և 2.5% ընտրող (ֆոտո)

Ազգային ժողովի «Իմ քայլը» խմբակցության պատգամավոր Հայկ Սարգսյանն ընկած գյուղեգյուղ հաշվում է, թե Փաշինյան Նիկոլի կուսակցությունը որքան ձայն է ստանալու առաջիկա արտահերթ ընտրություններում: 

Օրինակ՝ Մեծ Մասրիկի մասին Սարգսյանը գրել է, որ իրենք 70 տոկոս ձայն են ստանալու և լուսանկար հրապարակել, որտեղ 18 տարին լրացած է շուրջ 50 մարդ: 

NEWSPRESS.am-ը փոքր համեմատականներ է տարել ընտրողների, հանդիպման գնացածների և Սարգսյանի հրապարակած թվերի միջև: 

Նշենք, որ, 2019 թվականի տվյալներով, Մեծ Մասրիկի բնակչությունը շուրջ 2700 մարդ է, որից անչափահաս է շուրջ 20-25 տոկոսը: Այսինքն՝ այստեղ ընտրող է ավելի քան 2000 մարդ:

2000-ի 70 տոկոսը 1400 ընտրող է կազմում: Առնվազն ծաղր է, եթե ՔՊ-ի պոտենցիալ 1400 ընտրողից Շիշ բռնողի հետ հանդիպման է գնում 50-ը: Այսինքն՝ Սարգսյանն ընդամենը մանիպուլացնում է թվերը՝ այդպիսով տպավորություն ստեղծելով, թե իրենք վայելում են ժողովրդի վստահությունը, այն էլ՝ 70 տոկոս: 

Մինչդեռ Մեծ Մասրիկի՝ Սարգսյանի հետ հանդիպման գնացածների թիվը ընտրողների թվի համեմատությամբ, կազմում է, ուշադրություն, ընդամենը 2,5 տոկոս: 

Մեծ Մասրիկ

Սարգսյանը զվարճալի վիճակում է հայտնվել նաև Գեղարքունիքի մարզի Նորակերտ համայնքում: 

«Նորակերտի հզորները խոստացան 90% խփել»,- գրել է Սարգսյանը՝ հրապարակելով լուսանկար շուրջ 30 ընտրողի հետ: 

Նորակերտի բնակչությունը, ըստ համացանցի բաց աղբյուրների, մոտ 900 մարդ է: Այսինքն՝ այստեղ ընտրող է շուրջ 700 մարդ: 30 ներկայացածներն ընտրողների 4.3 տոկոսն են միայն: Ամեն ինչ ծիծաղելի կլիներ, եթե այսքան ողբերգական չլիներ: Ըստ Սարգսյանի՝ այս համայնքում իրենց խոստացել է ընտրել շուրջ 630 մարդ, բայց հանդիպման է եկել 30-ը, այսինքն իրենց պոտենցյալ ընտրողների 4,7 տոկոսը:

Հենց այսպես է վարչապետի ժ/պ-ի թիմը մոլորեցնում հանրությանը:

Նորակերտ համայնք