Ստեղծում են մի սերունդ, որին հարցնեն, թե ով է գրել Թումանյանի «Շունն ու կատուն», ասի՝ չգիտեմ. ըստ Վարդան Այվազյանի՝ ընթանում է պետությունը ծրագրավորված քանդելու գործընթաց (տեսանյութ)
Վերջին 30 տարում մենք ունեցել ենք պետություն, բայց վերջին 3 տարվա ընթացքում մեր իշխանությունը գրավել են բառի բուն իմաստով փողոցայինները՝ փողոցից եկած և գրաված։ Ինչու այդպես եղավ և ինչու մեր պետությունը կանգնեց ծայրահեղ վիճակում և այսօր գտնվում է կործանման եզրին։ Ընդ որում՝ մենք գտնվում ենք բնության այս գողտրիկ անկյունում և ընդամենը մեզանից մի քանի կիլոմետր է բաժանում թշնամու հետ սահմանագիծը։ Այս մասին այսօր Գեղարքունիքի մարզի Սևան քաղաքում ասաց սահմանադրագետ, «Մեր տունը Հայաստանն է» կուսակցության պատգամավորի թեկնածու Վարդան Այվազյանը։
«Ամբողջ խնդիրը եղել է հետևյալը․ պետության, իշխանության, պետական կառավարման նկատմամբ դրսևորվել է անպատկառ, անպատասխանատու վերաբերմունք։ Պետության կառավարումը, ինչպես նշեց պարոն Աբրահամյանը, մասնագիտություն և գիտելիք է և, ցավոք սրտի, որևէ լրջություն չի դրսևորվել։ Տեսեք՝ ձեր ձեռքի հեռախոսները․ որևէ պատահական մարդ չի կարող այդ հեռախոսը ստեղծել ու կատարելագործել։ Դա մասնագետների գործն է։ Հարյուր անգամ բարդ գիտելիք է երկիր ղեկավարելը, տնտեսություն զարգացնելը։ Բնականաբար, էս ամեն ինչը մենք թողել ենք մի կողմ, և փողոցից եկած մարդիկ, ովքեր ընդամենը կարողացել են մարդկանց ուղեղը լվանալ, հայտնվել են իշխանության ղեկին»,- ասաց Այվազյանը։
Ըստ սահմանադրագետ-պատգամավորի թեկնածուի՝ իշխանությունն իրականացնում է պետությունը ծրագրավորված կերպով քանդելու գործընթաց։
«Ո՞րն է այսօրվա իշխանության խնդիրը․ ծրագրավորված կերպով ընթանում է պետությունը քանդելու գործընթաց։ Իսկ պետություն քանդելու գործընթացն ինչպե՞ս են անում․ ընդհանրապես մարդկանց մտածողությունից հանում են պատասխանատվությունը և իմաստը։ Պատկերացրեք՝ ստեղծում են մի երիտասարդ սերունդ, որին հարցնեն, թե ով է գրել Թումանյանի «Շունն ու կատուն», ասի՝ չգիտեմ՝ ով է գրել, առանց կենտրոնանալու հարցադրման վրա։ Սրանք են այսօրվա իշխանության մոտեցումները։ Դուք բոլորդ հայրենասեր եք։ Անգամ հայրենասեր են այն մարդիկ, ովքեր այսօր չարիք հանդիսացող իշխանությունների հետևից են գնում, ուղղակի յուրաքանչւյուր մարդու մոտ հայրենսաիրությունը ճիշտ ուղու վրա դրված չէ»,- ընդգծեց Այվազյանը։
Նա օրինակ բերեց կոշկակարին ու վիրահատությունը և ասաց, որ չի կարող կոշկակարն իր դանակով մարդ վիրահատել․ «Նույնը պետության կառավարման ղեկն է։ Պատկերացրեք՝ մեզ մոտ այսօր պետության ղեկին գտնվում են հեքիմներ, ոչ թե պրոֆեսիոնալ բժիշկներ։ Որքան էլ այդ հեքիմները փորձեն վիրահատել, մեր խնդիրները լուծել, մեր առողջությունը վատանալու է»։
Նա կոչ արեց ծանոթանալ ու ընտրել իրենց թիմին, քանի որ նրանցից յուրաքանչյուրն իր ոլորտում պրոգֆեսիոնալ է։
Մանրամասները՝ NEWSPRESS.am-ի տեսանյութում
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Հայաստանի ընտրությունները չեն կարող համարվել օրինական. Դմիտրի Մեդվեդև
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Մի խումբ քաղաքացիներ շրջափակել են «Hongqi»-ն․ փորձել են դուրս հանել վարորդին, հարվածել մեքենային
