Գիշերը 40-50 հոգով՝ զինված մահակներով, դանակներով, ապօրինի կրպակ են տեղադրել՝ մեր և ոստիկանության աշխատակիցների ներկայացությամբ․ Հայկ Մարության

Երևանի ավագանու «Իմ քայլը» խմբակցության անդամ Գայանե Եղիազարյանը նիստի ժամանակ բաձրացրեց ապօրինի տեղադրվող կրպակների հարցը։ Նա նկատեց, որ 3 տարի շարունակ, փաստացի հենց իրենց իշխանության օրոք բարձրացվում է այս հարցն ու այդպես էլ մնում է չլուծված։

«Արդեն հասել են նրան, որ աշխատանքային օրերին եւս մարդիկ հանդգնում են ապօրինի կրպակներ տեղադրել կանաչ գազոններում»,-ասաց Գայանե Եղիազարյանը՝ անդրադառնալով Աջափնյակ վարչական շրջանի Հալաբյան փողոցում ապօրնի կրպակների շինարարությանը:

Քաղաքապետ Հայկ Մարությանն էլ պատասխանեց, թե ինքը իր պաշտոնավորւմից մի քանի ամիս անց, նման շինարարարությունները կանոնակարգող համապատասխան նախագիծ է ուղարկել կառավարություն, բայց այդպես էլ լուծում չի տրվել հարցին։

«Հստակ նախագիծ էր, որը կանգնեցնելու էր ապօրինի շինարարությունը ամբողջ Հայաստանում: Այդպես էլ այդ որոշումը չի ընդունվել: Ես չգիտեմ պատճառները»,- ասաց Մարությանը։

Ավելին՝ Մարությանը նկատեց, որ եղել են դեպքեր, երբ վարչական շրջանի ղեկավարը քանդել են ապօրինի շինությունները և այդ ղեկավարի նկատմամբ հարուցվել է քրեական գործ:

Բացի այդ, քաղաքապետը նկատեց նաև, որ շատ ապօրինաշինություններ իրականացվել են գիշերով։ Այդպիսի մի դեպք 7-8 օր առաջ է տեղի ունեցել։

«Մեր աշխատակիցներից 8 հոգի և 3 ոստիկան ներկա են եղել այդպիսի մի կրպակի տեղադրմանը: Կրպակի տեղադրմանը մասնակից են եղել 40-50 հոգի մարդ: Մեր աշխատակիցներն ու ոստիկանները փորձել են կանխել, իրենք զինված են եղել տարբեր տիպի մահակներով, դանակներով, և ուղղակի չեն կարողացել կանգնեցնել դա»,-ասաց Մարությանը:

Նրան զեկուցել են, որ ընտրությունենրի օրը 5 կրպակ է տեղադրվել, որոնցից երկուսը ոստիկանների ներկայությամբ:

«Քանի որ ոստիկանական ուժեր չկային, զբաղված էին ընտրությունների անցկացման ապահովմամբ, չեն կարողացել դեմն առնել»,-ասաց քաղաքապետը՝ ընդգծելով, որ դա համակարգային հարց է։