Ո՞վ է այս մորուքավոր «կապիկը», որ ստիպի մեզ հրաժարվել մեր նախնիների հայրենիքից․ Գաբրելյանովը՝ Փաշինյանի մասին

Մեդիամագնատ, հրատարակիչ, «Նյուս Մեդիա» հոլդինգի հիմնադիր Արամ Գաբրելյանովը տելեգրամյան իր ալիքում գրել է.

«Զգացմունքներն անցան: Եկել է ժամանակը Հայաստանում վերլուծելու իրավիճակը: Առաջին տպավորությունը. հաղթել է կապիկների մորուքավոր արքան: Ավելի ճիշտ ոչ թե այդպես, այլ հայրենասերներն են պարտվել: Ոչ մեկ չկա՝ մեղադրելու: Միայն ինքներս մեզ:

Քոչարյանի դաշինքը հիանալի PR արշավ է իրականացրել: Ամեն ինչ իր տեղում է, կարգախոսներ, հանրահավաքներ, տեսանյութեր: Զրո բողոք. բայց «դաշտային» աշխատանքը լիովին ձախողվել է: Նրանք, ովքեր աշխատում էին «դաշտում», ես նրանց չեմ ճանաչում, լիովին պատրաստ չէին նման ընտրարշավի, երբ «կապիկներն» օգտագործում էին իշխանության մեջ գտնվող բոլոր անձանց շահարկելու և ճնշելու համար: Մի խոսքով՝ զրո մենեջմենթ:

Ի՞սկ հետո ինչ է լինելու։ Հետո արդեն` պայքար իրենց էթնիկ պատկանելության համար: Ավանդույթների պահպանման համար: Իրենց կրոնի պահպանման համար:

Մի անգամ մանուկ ժամանակ, երբ հայրս խստորեն պատժեց ինձ, ես հարցրեցի տատիկիս՝ ե՞րբ կարելի է չհնազանդվել հայրիկին: Նա պատասխանեց. «Եթե հայրդ ասում է, որ պետք է հրաժարվես քո Աստծուց, քո դավանանքից, ընտանիքից, միայն այդ դեպքում կարող ես հայրիկին ասել` ոչ»:

Ո՞վ է այս մորուքավոր «կապիկը», որ ստիպի մեզ հրաժարվել մեր Աստծուց՝ մեր նախնիների հայրենիքից: Դեռ ամեն ինչ առջևում է»։