Իշխող թիմը քննարկում է, թե ԱԺ որ առաջին 2 հանձնաժողովն ընտրեն, որ դրանց նախագահությունը չանցնի ընդդիմությանը. «Հրապարակ»

«Հրապարակ» թերթը գրում է.

«Իշխանական թիմում քննարկում են, թե առանցքային հանձնաժողովներից որ առաջին երկուսն ընտրեն, որպեսզի դրանց նախագահությունը չանցնի ընդդիմությանը։ Դոնթի բանաձևով՝ 71 մանդատ ստացած ՔՊ-ն սկզբում ընտրում է 2 հանձնաժողով, ապա 1 հանձնաժողով ընտրելու իրավունք է ստանում «Հայաստան» դաշինքը, ապա ևս 2 հանձնաժողով՝ իշխանությունը, մեկը՝ «Հայաստան»-ը, մինչև կբաշխվեն ԱԺ 11 հանձնաժողովները։ Այսինքն՝ 11-ից 3-ը բաժին կհասնի «Հայաստանին», «Պատիվ ունեմ»-ը հանձնաժողովի նախագահի պաշտոն չի ստանա։

Նախապատվությունն իշխանական խմբակցությու տալիս է առանցքային հանձնաժողովներին՝ պետաիրավական, պաշտպանության և անվտանգության, ֆինանսաբյուջետային, արտաքին հարաբերությունների: Արտաքին հարաբերությունների հանձնաժողովի անդամներն ամենաշատն են շրջագայում, ուստի հազիվ թե իշխանությունը սա ձեռքից բաց թողնի։

Կարեւոր է նաեւ պաշտպանության հանձնաժողովը, որ ընդդիմությունն ուղիղ «դոստուպ» չունենա ՊՆ-ին։ Բայց պակաս կարևոր չէ նաև պետաիրավականը, որտեղով առաջիկայում լիքը կարեւոր օրենքներ ու պայմանագրեր են սղղացնելու։ ՔՊ-ում հնարավոր են համարում, որ պետաիրավականի նախկին նախագահ Վլադիմիր Վարդանյանն արտաքին հարաբերությունները ղեկավարի»:

Մանրամասները՝ թերթի այսօրվա համարում: