Նույնն է, որ բժիշկը աշխատավարձ ստանա ու ասի՝ հավելավճար տվեք՝ վիրահատություն անեմ. Զոհրաբյանը՝ պատգամավորի 250հզ. դրամ հավելավճարի մասին (տեսանյութ)

ԱԺ պատգամավոր Նաիրա Զոհրաբյանը պատգամավորների հավելավճարների անհրաժեշտություն չի տեսնում՝ աշխատելու համար:

Ես գտնում եմ, որ պատգամավորները և նրանք ում վրա դրված է պետության կառավարման բեռը, պիտի ստանան արժանապատիվ աշխատավարձմ բահյց հինմա դրա ժամանակը չէ, հիմա յան փուլը չէ, հիմա մենք շատ ավելի կենսական խնդիրներ ունենք: Այս մասին այսօր լրագրողների հետ ճեպազրույցում ասաց ԱԺ ան կախ պատգամավոր Նաիրա Զոհրաբյանը: 

Ըստ նրա՝ զավեշտալին նախագծի հիմնավորումն է, այսինքն՝ պատգամավորական ծախսերի համար նախատեսված 50 հազար դրամը դարձնել 250 հազար, «որպեսզի պատգամավորը կարողանա գնալ և հանդիպել իր ընտրողի հետ»:

Զոհրաբյանն ասաց, որ ինքը հավանաբար քաղաքացիների հետ հանդիպող պատգամավորներից է և ընտրողների հետ հանդիպելու համար իրեն լրացուցիչ գումար պետք չէ: 

«Երեկ ես եղել եմ Արմավիրում, հանդիպել եմ ռազմագերիների ծնողների հետ, առաջիկայում լինելու եմ Թավրիզում, քանի որ կան ծնողներ, ովքեր հավատում են, որ 44-օրյա պատերազմի ընթացքում Արցախի հատվածից իրենց որդիները սահմանը հատել են Իրան, իրենք առաջարկել են իրենց հետ մեկնել Իրան, ես մեկնելու եմ: Եվ ինձ լրավճար պետք չէ»,- ասաց պատգամավորը՝ հավելելով, որ իր կարծիքով խորհրդարանը պետք է մերժի այս նախագիծը, քանի որ ընտրողների հետ հանդիպելը պատգամավորի իմպերատիվ պարտականությունն է, ինչի համար նրանք ստանում են աշխատավարձ: 

Այնպես որ, այսօր մեր թուլացած, բզկտված տնտեսությամբ, բզկտված հայաատսնաով և Արցախով այնքան առաջնահերթ խնդիրներ ունենք, որ պատգամավորին լրավճար տալը ես համարում եմ անբարոյականություն: Այսօր դա պիտի լինի մեր 100-րդ կամ 150-րդ խնդիրը: 

«Դա նույն բանն է, որ բժիշկը աշխատավարձ ստանա, ասի՝ գիտե՞ք ինձ հավելավճար տվեք, որ վիրահատություն անեմ»,-եզրափակեց Նաիրա Զոհրաբյանը:

Մանրամասները՝ տեսանյութում