Ավանեսյանն ասաց, թե այլ երկիր մեկնելու համար ինչու են լրացուցիչ թեստ հանձնում, եթե արդեն պատվաստված են

Դուք բեռնե՞լ ենք պատվաստման հավելվածը ձեր հեռախոսի մեջ, որտեղ պետք է արտահայտվի պատվաստման փաստը։ Այս հարցը լրագրողներին ուղղեց Առողջապահության նախարարի պաշտոնակատար Անահիտ Ավանեսյանը՝ արձագանքելով իրեն ուղղված հարցին, թե պատվաստվելուց հետո երկիրը լքելու դեպքում թեստ հանձնել։

Ավանեսյանը նշեց, որ պատվաստելուց հետո պետք է ներբեռնել հեռախոսի մեջ համապատասխան հավելված և մանրամասն տեղեկավություն կստանա։

«Խնդրում ենք, մտեք դա արեք, այն շատ հեշտ է։ Պատվաստվելուց հետո էնտեղ նշվում է բառ-կոդը, վերևում նշում է կատարվում՝ առաջին դեղաչափ, երկրորդ դեղաչափ։ Բացի այդ, Հայաստանից մեկնելիս պետք է ուշադիր լինել այն երկրի քաղաքականությանը, որտեղ դուք մեկնում եք։ Պատվաստված լինելուց հետո այլ երկրից կարող են գալ Հայաստան, և դա մեր երկրի քաղաքականությունն է, բայց Հայաստանից մեկնելիս պետք է նայել, թե տվյալ երկիր, ուր մեկնում ենք, ինչպիսի քաղաքականություն է ընդունված»,-ասաց նախարարի պաշտոնակատարը։

Նա նշեց, որ կան երկրներ, որտեղ անցնում է Հայաստանում պատվաստված լինելու փաստը և թեստ չեն պահանջում, իսկ կան երկրենր, որտեղ անկախ պատվաստված լինելուց՝ պետք է թեստ հանձնել, որպեսզի կարողանալ մեկնել։

Իսկ նրանք, ովքեր սմաթֆոններ չունեն և չեն կարող հավելվածը ներբեռնել, Ավանեսյանը խորհուրդ է տալիս պոլիկլինիկայից վերցնել պատվաստված լինելու մասին տեղեկանք։