Արշակ Կարապետյանը սիրով օգտագործվում է

Համացանցում խիստ քննարկվում է Արշակ Կարապետյանի՝ ՊՆ առաջին տեղակալի նշանակման լուրը։ Նա նախ նշանակվել էր վարչապետի՝ այսինքն Նիկոլ Փաշինյանի խորհրդական, հետո էլ արժանացել նրա կողմից հերթական մեծահոգությանը։

Սա այն դեպում, երբ դեռ իր՝ Գյումրիից Երևան քայլելու ժամանակահատվածում, խարույկի մոտ նստած, Նիկոլն ինչ մեղադրանքներ ասես, որ չհնչեցրեց Կարապետյանի հասցեին։

Իսկ երբ բոլորի համար անակնկալ Կարապետյան Արշակը դարձավ նրա խորհրդականը, բոլորի հարցը մեկն էր՝ բա այն մեղադրանքներն ու Արշակի վերաբերյալ արված  հայտարարությունները․ Փաշինյանը մոտավորապես արձագանքեց․ «հայտարարությունը չի նշանակում այդ մարդու վերաբերյալ դատավճիռ․․․»․․․

Իսկ ավելի կոնկրետ․ «Եթե որևէ մեկի հասցեին հնչում է հայտարարություն, չի նշանակում, որ այդ մարդու վերաբերյալ կայացվել է դատավճիռ»։

․

Հիշեցնենք, որ  Արշակ Կարապետյանը ՀՀ ԶՈւ հետախուզության վարչության նախկին պետն էր: Արշակ Կարապետյանը պաշտոնից ազատվել էր 2016-ի ապրիլյան քառօրյա պատերազմից հետո՝ նախագահ Սերժ Սարգսյանի հրամանագրով։

Նրա պաշտոնից ազատումը հիմնավորվել է նրանով, որ պատերազմի օրերին  Կարապետյանը թերացել է իր պարտականություններում, որի հետևանքով հայկական կողմը խնդիրներ է ունեցել։ 

Սակայն Փաշինյանը, որը գոռում էր, թե ապրիլյանի մեղավորները պետք է բացահայտվեն և պատժվեն՝ Կարապետյանին հանեց այդ մեղքի միջից ու պաշտոն տվեց՝ հայտարարելով, թե իբր հետախուզության վարչության պետը ոչ մի կապ չունի ապրիլյանի բացթողումների հետ, ու նրան չի պատժելու զուտ նրա համար, որ «նախկինների» խոսքով չգնա․․․

Բացի այդ, Արշակ Կարապետյանը նաև 2008-ի մարտիմեկյան իրադարձությունների ժամանակ եղել է 0038 հույժ գաղտնի հրամանով ստեղծված Մարտի 1-ի գործով անցնող անդամներից մեկը։

Բայց Փաշինյանը, որը մի ժամանակ մարտիմեկյան դեպքերի բացահայտման ջատագով էր, դարձյալ  հայտարարեց, թե՝ հա ՛, ի՞նչ անենք, ԶՈւ-ի կեսը ներգրավված են եղել, հո բոլորին չի՞ դատելու։

Փաշինյանի վերոհիշյալ իրարամերժ դիրքորոշումներից հարց է առաջանում, թե ինչու պետք է այդ ամենով հանդերձ, այդքան մեղադրանքերը վզին փաթաթած՝ Փաշինյանն «իր աշխարհ» ընդունի Արշակ Կարապետյանին․․․

Որոշ լուրերի համաձայն՝ Կարապետյանը «վարձվել է» Փաշինյանի կողմից որպես «գործ տվող, զրպարտիչ» (օրինակ՝ Մարտի 1-ի գործով, իր պաշտոնի ու ազատության դիմաց նա կխոսի բոլորի դեմ, ում կուզի Նիկոլը)․․․

Հիշեցնենք, որ նա ցուցմունք է տվել նաև ՀՀ երկրորդ նախագահ Ռոբերտ Քոչարյանի դեմ․․․

Ասել է թե՝ Փաշինյան Նիկոլը կօգտագործի Կարապետյան Արշակին ու նա էլ թերևս սիրով կօգտագործվի մի քանի պատճառով․․․

Նախ, վերջինս նեղացած է նախկիններից՝ իրեն ազատելու, կամ ավելի ճիշտ, վռնդելու համար, ու պատրաստակամ կօգտագործվի Փաշինյանի կողմից՝ վրեժխնդիր լինելու համար․․․

Մյուս կողմից էլ, կան նաև տեղեկություններ, որ Արշակ Կարապետյանն ու իր կինը կառավարության հետ համագործակցության նոր ֆրոնտ է գտել, փող է աշխատում․․․ 

Ըստ նույն տեղեկատվության՝ նրա անվան հետ կապված «Էլկոմպ» ՍՊԸ-ն վերջին երկու տարվա մեջ տվյալ մոտ 70 միլիոն դրամի պատվերներ է ստացել ԱՆ-ՊՆ-ից՝ դառնալով կառավարության մատակարարը․․․․

Մեկնաբանությունը թողնենք ընթերցողին․․․

Միայն հիշեցման կարգով նկատենք, որ Արակ Կարապետյանի անունը շոշափվում է նաև որոշ մաքսանենգ դեպքերի հետ կապված․․․

NEWSPRESS.am