Երկու անգամ արդեն մտել եմ էս մեր գերագույն գլխավոր դեբիլի մոտ, եթե էսօր մտնեմ, կարող ա իրան կոկորդից բռնեմ, չգիտեմ ինչ անեմ. անհետ կորածի հայրը՝ Փաշինյանի մասին

Երկու անգամ արդեն մտել եմ էս մեր գերագույն գլխավոր դեբիլի մոտ, հարց եմ տալիս՝ ի՞նչ եք անում, ի՞նչ է անում կառավարությունն էդ երեխեքին հետ բերելու համար: Ասում են՝ ի՞նչ պիտի անենք, էս տանք, էն տանք: Ասում եմ՝ տվեք, եթե այնպիսի բան է, որ պետությանը վնաս չէ՝ տվեք: Իրենք մենակ ասում են՝ աշխատում ենք: Այս մասին այսօր կառավարության դիմաց լրագրողների հետ զրույցում ասաց անհետ կորած ժամկետային զինծառայողի հայր Գևորգ Վարդանյանը:

«Հիմա նիստ են անում, ի՞նչ են որոշում, իրենց աշխատավարձերը շատացնե՞ն, թե չգիտեմ ինչերը: Ինքը նենց ա պատասխանում, ոնց որ  սուրբ ա էլի, բայց բոլորս էլ գիտենք՝ ինքն ով է, ինչացու է: Որ չվախենար, էսքան միլիցա կլցնե՞ր: Ումի՞ց ա վախենում, ժողովրդով եկավ, դարձավ ղեկավար, չագուչ ա ցույց տալի՞ս, չագուչո՞վ պիտի վախացնի: Արդեն չագուչը տեսանք էլի, էն ա մեր երեխեքը արդեն կորել են: Իրան ասում ենք՝ բա որ քո տղեն լիներ, ի՞նչ կանես, ասում ա՝ դե ի՞նչ պիտի անեմ: Բայց ինքը իր տղուն փրկելու համար, 100 տոկոս կարամ ասեմ, հազարով ավել զոհ ա տվել, ինչ ա թե իրա տղուն փրկի: Էլ ի՞նչ ասեմ, ո՞րն ասեմ դրա քաջագործություններից: Ասում ա՝ աշխատում ենք, բայց ծնողը պետք ա դիմի Ֆրանսիայի, Ռուսաստանի, ԱՄՆ դեսպանատուն: Մնում ա գնանք աշխարհով մեկ երեխա ման գանք»,- ասաց ծնողը: 

Նա նշեց, որ իրենց պահանջը տղաների՝ գերիների վերադարձն է:

«Իր մոտ մտնելիս երկաթները հանում են, կարամ ձեռով իրան սպանեմ, բայց ինձ թույլ չեմ տալիս իմ երեխու խաթր, բայց արդեն ստեղ ա հասցրել (ցույց է տալիս գլխից վեր հատվածը-հեղ.), որ եթե էսօր մտնեմ, կարող ա իրան կոկորդից բռնեմ, չգիտեմ ինչ անեմ»,- ասաց Վարդանյանը: