Չեմ զարմանա, եթե մի օր պարզվի, որ արձանը տեղափոխելու պահանջ է ներկայացված էս իշխանությանը. Մկրտիչ Իսրայելյան

Ես համոզվում եմ, որ ոչինչ հենց էնպես չի լինում, առավել եւս քաղաքականություն կոչվող խաղում։

Այդ մասին ֆեյսբուքյան իր էջում գրել է Մկրտիչ Իսրայելյանը և հավելել.

«Մենք վերջին օրերին հումորի վերածեցինք Գյումրու «Մայր Հայաստանի» մասին արված հայտնի մարդու ցնդաբանությունները, բայց անկեղծ ասած ես դա պատահականություն չեմ համարում։ Ու չեմ զարմանա, եթե մի օր պարզվի, որ արձանը ձեւափոխելու, կամ ընդհանրապես տեղափոխելու պահանջ է ներկայացված էս իշխանությանը։

Հիմա կմտածեք երեւի ցնդաբանություն եմ ասում։ Էդ արձանի աշխարհագրական դիրքն ու նշանակությունը էնպիսին է, որ այն ավելի շատ թուրքն է տեսնում քան մենք։ Էդ արձանի տեսքի դիրքի ու նշանակության մասին երբեք բանավեճ չի եղել որքան հիշում եմ ու հիմա հանկարծ հայ-թուրքական այսպես ասած սիրախաղի ֆոնին սկսվում է ինչ որ մի «հումորային» խոսակցություններ, քննարկումներ։

Էդ ոնց եղավ եկավ հիշեց արձանը, եկավ ու բերեց առաջին պլան։ Շատ իզուր են հորդորները, թե պետք չի էդ մանր իրադարձության վրա այդքան կենտրոնանալ, մինչդեռ ամեն ինչ սկսվում է թվացյալ մանրուքներից։

Հիշեք քանի մանրուք է իրական բոլոլայի նախերգանք եղել վերջին տարիներին։

Հ.Գ քանի որ կայքերի ու բլոգերի մեծ մասի մեկնաբանությունների բաժնում անբորայականության իշխանություն է տիրում, շնորհակալ կլինեի, եթե տվյալ բլոգերային հարթակներն կայքերն էս գրառումս անուշադրության մատնեին»: