Ինքնասիրության դեֆիցիտ. ակտիվիստ Արշակյանը ցույց էր անում ընդդեմ ՌԴ իշխանության, ԱԺ փոխխոսնակ Արշակյանը՝ Պուտինի կուսակցության հետ պատրաստ է երկարատև համագործակցության

««Քաղաքացիական պայմանագիր» կուսակցությունը հետաքրքրված է «Եդինայա Ռոսիա» կուսակցության հետ երկարատև համագործակցության ընդլայնմամբ»:

Հայտարարության հեղինակն Ազգային ժողովի փոխխոսնակ, բռունցքները լրագրողի նկատմամբ գործի դրած Հակոբ Արշակյանն է, ով փոքրիկ դերասանություն արեց՝ այդ ժամանակ հեռանալով պաշտոնից և հետագայում, իհարկե, ավելի հարմար աթոռ զբաղեցրեց:

Բայց մեր հրապարակումն ամենևին էլ Արշակյանի՝ աթոռներից կառչելու կամ էլ բռունցքները գործի դնելու մասին չէ, այլ այն մասին, թե որքան հեռու են ինքնասիրությունն ու Փաշինյան Նիկոլի մոտ մի կերպ աշխատանք գտած ջահել-ջուհուլը: 

Այս օրերին, օրինակ, իշխանական թևը ջանքերի գերլարումով, ՊՈԱԿ-ներն ու ֆեյքարանները գործի դրած՝ շրխկացնում է ընդդիմադիր պատգամավոր Արթուր Ղազինյանի երեսին, թե ինչպես է վերջինս հեղափոխության ժամանակ դրական խոսել մի մարդու մասին, ում այժմ դիմում է վերջին բառերով: Բայց նույն ՊՈԱԿ-ներին ու ֆեյքերին, պատերազմում պարտվածներին ձայն տվածներին ընդհանրապես չի հուզում, որ այսօր  ««Եդինայա Ռոսիա»» կուսակցության հետ երկարատև համագործակցության ընդլայնմամբ» խոնարհաբար հետաքրքրված ՔՊ-ական Արշակյանը ոչ վաղ անցյալում բողոքի ակցիաների էր մասնակցում իր ընկերներ Նարեկ Բաբայանի ու Արայիկ Հարությունյանի հետ՝ ընդդեմ ՌԴ իշխանությունների: 

Արշակյանն ու իր ընկերները բառացիորեն բողոքում ու պահանջում էին, որ ազատ արձակվեն Պուտինի ամենամոլի ընդդիմադիրները, այդ թվում՝ Ալեքսեյ Նավալնին, որն այսօր էլ շարունակում է մնալ այդպիսինը: Արշակյանն ու մյուսները բողոքում էին, թե, մեջբերենք, «Ռուսաստանում տեղի են ունեցել ընտրակեղծիքներ ու դրա արդյունքում բողոքի ակցիա են կազմակերպել, որի ընթացքում էլ ովքեր ակտիվ են եղել, ձերբակալվել են, պահանջում ենք նրանց ազատ արձակումը»: 

Եվ ուրեմն, եթե ցուցարար Արշակյանը կարծում էր, որ ռուսաստանյան իշխանությունն ընտրությունները հաղթել է կեղծիքներով, ապա ինչո՞ւ է արդեն պաշտոնյա դարձած Արշակյանը նույն ուժի հետ պատրաստ երկարատև համագործակցության: 

Արշակյանն այստեղ նմանվում է իր շեֆին, որը հայտարարում էր, թե նախկինները ինչքան օտար անձնագրով մարդ են տեսել, կոշիկները լիզել են, ու նրանց դիմում էր «այ անինքնասերներ»-ով: Հետաքրքիր է՝ տեսնես ո՞ւմ է հիշեցնում այս հայտարարությունն ընթերցողին, որն ունակ է համադրել ամպագոռգոռ ու մեծախոս հայտարարություններն ու ստորացված իրականությունը...

NEWSPRESS.am