«Հյուսիսային հոսք-2» գազատարի շինարարությունն ավարտվեց, այն էլ՝ ժամկետից շուտ

«Հյուսիսային հոսք-2» գազատարն ամբողջովին պատրաստ է: Այս մասին նշված է «Գազպրոմ»-ի տելեգրամյան պաշտոնական ալիքում։

«Գազպրոմ»-ի առավոտյան օպերատիվ խորհրդակցության ժամանակ կառավարման խորհրդի նախագահ Ալեքսեյ Միլլերը տեղեկացրել է, որ այսօր առավոտյան՝ Մոսկվայի ժամանակով 8.45-ին «Հյուսիսային հոսք-2» գազատարի շինարարությունն ամբողջովին ավարտվել է»,-նշվում է ընկերության հաղորդագրության մեջ։

Ավելի վաղ հաղորդվում էր, որ գազատարը նախատեսվում է շահագործման հանձնել մինչև տարեվերջ։

«Հյուսիսային հոսք-2»-ը, որի երկարությունը 1234 կմ է ու նախատեսված է տարեկան 55 մլրդ խորանարդ մետր գազ մղելու համար, Ռուսաստանից Գերմանիա է ձգվում՝ անցնելով Բալթիկ ծովի հատակով՝ Եվրոպային ուղղակի գազ մատակարարելու համար։

Հիշեցնենք, որ Եվրամիության երկրների մեծ մասը կողմ էին գազատարի կառուցմանը։ Դեմ էին արտահայտվում Մերձբալթյան պետությունները, Լեհաստանը, ԱՄՆ-ն և Ուկրաինան։ Վերջինս մտավախություն ունի, որ կդադարեցի իր տարածքով ռուսական գազի տարանցիկ տեղափոխումը։