3 տարում նիկոլենք արեցին այն, ինչ չէին կարողացել անել մեր թշնամիները 30 տարում․ Արեգնազ Մանուկյան

«Քայլապետության 3 և 88-ի շարժման ավարտի 30 տարին
Քանդելն ավելի հեշտ է, քան կառուցելը։ Նիկոլենք դա ապացուցեցին»։ Այս մասին գրում է ՀՀ ԱԺ «Հայաստան» դաշինքի պատգամավոր Արեգնազ Մանուկյանը։

«3 տարում նրանք ոչնչացրեցին 30 տարվա ձեռքբերումները՝ 88–ի շարժման արդյունքները։

3 տարում նրանք վերացրեցին Արցախի պետականությունը։

3 տարում նրանք հանձնեցին Արցախի տարածքների մեծ մասը։

3 տարում նրանք հաղթած բանակը դարձրեցին պարտված։

3 տարում նրանք Հայաստանի ինքնիշխանությունը դրեցին հարցականի տակ․ ՀՀ-ն հիմա մազից է կախված։

3 տարում մեր ազգի դիմագիծը փոխվեց ու դարձավ «ժողովրդական», այն է՝ ամբոխային։

3 տարում նիկոլենք արեցին այն, ինչ չէին կարողացել անել մեր թշնամիները 30 տարում։

Եվ վերջապես՝ 3 տարում նիկոլենք 30 տարվա հանրապետությունը վերածեցին քայլապետության ու հիմա «գունագեղ» ձևով նշում են այդ քայլապետության 3 տարին։

Շնորհավո՛ր տոնդ իմ բզկտված, ներսից ու դրսից ասպատակության ենթարկված Հայաստան։ Քայլապետությունը պետք է վերացվի ու մենք պետք է կրկին վերադառնանք հանրապետության տոներին»։