Երբ նրա մորը հայհոյում են, նրա համար դա «օքեյ» է, բայց երբ ասում են կապիտուլյանտ, վիրավորվում է, գողին դուր չի գալիս, երբ նրան գող են ասում. ադրբեջանագետ (տեսանյութ)

Ինքնախաբեությունը շատ վատ բան է՝ մենք պարտվել ենք բառի բուն իմաստով. Հայաստանի Հանրապետությունը դավաճել է Արցախի Հանրապետությանը, ինչի հետևանքով տեղի է ունեցել խայտառակ պարտություն, թե ով է լավը եղել, ով է խիզախ եղել, էական չէ: Այս մասին այսօր «Հայելի» մամուլի ակումբում ասաց ադրբեջանագետ Արմինե Ադիբեկյանը:

«Մենք ունենք որոշակի հետևանքներ, որի հետ պետք է պայքարենք, մենք պետք է մեղմացնենք այդ հետևանքների ազդեցությունը մեր կյանքի ներկայի և ապագայի վրա: Սա է խնդիրը: Թե հիմա բանակը մեկ տարի առաջ պարտվել է, թե չի պարտվել, դա արդեն ոչ մի նշանակություն չունի, որովհետև մենք ունենք արձանագրված կապիտուլյացիա»,- ասաց Ադիբեկյանը:

Դիտարկմանը, թե իշխանությունը փորձում է իր մեղքը բարդել բանակի վրա, ադրբեջանագետը պատասխանեց. «Իհարկե, նա պետք է անի դա, որովհետև իրեն դուր չի գալիս, երբ որ իրեն ասում են կապիտուլյանտ: Երբ որ նրա մորը հայհոյում են, նրա համար դա «օքեյ» է, բայց երբ որ նրան ասում են կապիտուլյանտ, նա վիրավորանք է ապրում: Իհարկե, բոլորս ենք մեղավոր՝ ես եմ մեղավոր, դուք եք մեղավոր, բոլորն են մեղավոր, բացի նրանցից, որովհետև գողին դուր չի գալիս, երբ նրան գող են ասում, մարդասպանն էլ հազար ու մի պատճառ կգտնի, որով մեղմի իր հանցանքն ու մեղավորությունը»,- ասաց բանախոսը:

Մանրամասները՝ տեսանյութում