Ինչո՞ւ ԵՊՀ լրատվական վարչության նորանշանակ ղեկավարը նպատակահարմար չհամարեց խոսել իր կրթության մասին և ով է նրա հովանավորը
Երևանի կենդանաբանական այգու մարդկային ռեսուրսների կառավարիչ Ազնիվ Գրիգորյանն արդեն մի քանի օր է, ինչ Երևանի պետական համալսարանում փոխարինում է նախկին խոսնակ Գևորգ Էմին-Տերյանին։
Հիշեցնենք, որ Գևորգ Էմին-Տերյանը հեռացվել էր համալսարանից, ինչպես ինքն է պնդում, անհիմն նկատողություններով։
Այժմ ԵՊՀ լրատվական վարչության ղեկավարի պաշտոնը զբաղեցնում է Ազնիվ Գրիգորյանը։
Երբ փորձեք թերթել 31-ամյա երիտասարդ կնոջ կենսագրությունը, արժեքավոր ոչինչ չեք գտնի, քան այն, որ նա աշխատել է Երևանի կենդանաբանական այգում։
Բոլորովին չնսեմացնելով Կենդանաբանական այգու դերն ու նշանակությունը՝ այնուամենայնիվ, հարկ է նկատել, որ համալսարանում աշխատանքի տեղավորված Գրիգորյան Ազնիվը չունի տվյալներ ոչ իր կրթության մասին, ոչ էլ այլ ոլորտներում կատարած աշխատանքի մասին։
Այդուհանդերձ, NEWSPRESS.am-ը որոշեց ճշտել, թե որտեղ է սովորել Ազնիվն ու ինչպես է ԵՊՀ-ում անցել աշխատանքի։
«Ի՞նչ կրթություն ունի, որտե՞ղ է ավարտել ու մինչ այդ որտե՞ղ է աշխատել․․․» հարցին, Ազնիվ Գրիգորյանն արձագանքեց․ «Ես կարող եմ կարճ իմֆորմացիա տալ, որը որ նպատակահարմար եմ համարում»:
Եվ ստացվեց այնպես, որ նա, փաստորեն, նպատակահարմար չգտավ ասել, թե որտեղ է սովորել, ավարտել կամ սովորե՞լ է արդյոք ընդհանրապես որևէ բարձրագույն ուսումնական հաստատությունում, թե՞ ոչ․․․
Մի խոսքով՝ Ազնիվ Գրիգորյանը նշեց, որ «միջազգային տարբեր ծրագրերով դասընթացներ է վարել»։ Հիմնականում եղել է մասնավոր սեկտորում, իսկ 2014 թվականին, երբ նա 22-23 տարեկան էր, տեղափոխվել է Կենդանաբանական այգի՝ որպես մարդկային ռեսուրսների կառավարիչ։ Ապա, ըստ նրա, մեկ այլ կազմակերպությունում, որի անունը նա չտվեց, դարձյալ մարդկային ռեսուրսների կառավարիչ է աշխատել։
«Ունեմ 10 տարվա ղեկավարման փորձ, երևի այսքանը»,- ասաց նա։
Ազնիվ Գրիգորյանը խոստովանեց նաև, որ ԵՊՀ-ի հետ որևէ կապ չի ունեցել․ պարզապես իմացել է թափուր աշխատատեղի մասին ու որոշել դիմել ԵՊՀ։
Թե որտեղից է իմացել այդ աշխատատեղի մասին, նա չմանրամասնեց։ Հայտնի է միայն, որ այդ մասին ոչ մի տեղ, ոչ մի ձևաչափով հայտարարություն չի եղել։
«Մի շարք շատ բարդ հարցազրույցներ եմ անցել ու մի քանի թեկնածուներից ես եմ ընտրվել»,- ասաց մեր զրուցակիցը։
Ովքեր են եղել մյուս թեկնածուները, այդ երբ են կազմակերպվել հարցազրույցները, որոնց մասին ոչ ոք չիմացավ ու աղջկան բոլորը միանգամից տեսան լրատվական վարչության ղեկավարի պաշտոնում, հայտնի չէ։
Միայն թե NEWSPRESS.am-ի տեղեկություններով, նորանշանակ պաշտոնյայի «գաղտնի հովանավորը» ԵՊՀ ռեկտորի ժամանակավոր պաշտոնակատար Հովհաննես Հովհաննիսյանն է, ում թեթև ձեռքով Գևորգ Էմին-Տերյանը հեռացվել էր աշխատանքից։
Մամուլում շրջանառվող որոշ տեղեկությունների համաձայն էլ՝ ընդամենը 31-ամյա Ազնիվ Գրիգորյանն աշխատանքի անցնելուց անմիջապես հետո, իր աշխատակիցներին կարգադրել է իրեն դիմել «տիկին»-ով. դասական հպարտ պաշտոնյա:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Մահացել է Մակրոնի կնոջը տղամարդ անվանած լրագրողուհին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
