ՀՀ ղեկավարը բանակցելու է մի մարդու հետ, ով իրեն անվանել է հարբեցող ծաղրածու․ ո՞նց եք պատկերացնում այդ բանակցության բովանդակային մասը. Ռոբերտ Քոչարյան (տեսանյութ)
Տեղի է ունենում ՀՀ երկրորդ նախագահ Ռոբերտ Քոչարյանի մամուլի ասուլիսը: Քոչարյանն անդրադառնում է պատերազմում ունեցած պարտությանը, քաղաքական մի շարք հարցերի:
Պատասխանելով հարցին, թե նախագահը հայտարարել էր, որ դեռ հնարավոր է որևէ բան փոխել ու որոշ շրջաններ հետ բերել, եթե գան իշխանության, Ռոբերտ Քոչարյանը նկատեց, որ եթե այս տեմպերով շարունակվի՝ ոչ մի բան հնարավոր չի լինի փոխել։ Նա նկատում է, որ անցել է արդեն մեկ տարի և Հայաստանն, ըստ էության, չի մասնակցում գործընթացին ու տեղյակ էլ չի ինչ է բանակցվում՝ կապված ԼՂՀ կարգավիճակի հետ։
«Եթե այսպես շարունակվի՝ մենք ոչինչ չենք ունենա և ամեն օրը, մեր այստեղ նստած, համարում եմ կորած օր»,-ասաց Քոչարյանը։
Նա նկատեց, որ այսօր Ղաչաբաղից ընդհանրապես չեն խոսում, ու եթե մի քիչ ժամանակ անցնի, հայ ժողովրդի մոտ տպավորություն է լինելու, որ ԼՂՀ հարցը քննարկվում է միայն Ադրբեջանի ու Ռուսաստանի տիրույթում, իսկ Հայաստանը միջնորդված ու հեռավոր առնչություն ունի այդ ամենի հետ։
Անդրադառնալով Ալիև-Փաշինյան հնարավոր հանդիպմանը, Քոչարյանը նշեց․ «Հայաստանի ղեկավարը պետք է նստի ու բանակցի մի մարդու հետ, որն իրեն հարբեցող ծաղրածու է անվանել․ ո՞նց եք պատկերացնում այդ բանակցության բովանդակային մասը»,-ասաց Քոչարյանը՝ մեկ անգամ ևս փաստելով, որ միակ տարբերակը հեռացման տարբերակն է, քանի որ ամեն մի հանդիպում լինելու է նվաստացուցիչ՝ ՀՀ ժողովրդի համար։
Մանրամասները՝ տեսանյութում
