Նիկո՛լ, ժողվարչապետ ես, ի՞նչ ես նսեմացնում ժողովրդին, ինչի՞ դուրս չես գալիս ժողովրդի մոտ, բա լրագրողների՞ց խի ես վախեցած. Սայաթ Շիրինյան (տեսանյութ)

ՀՀ ոստիկանության հասարակայնության հետ կապի և լրատվության վարչության նախկին պետ, գնդապետ Սայաթ Շիրինյանն անկեղծ զարմանում է ոստիկանների վրա, ովքեր, իր իսկ խոսքով, «Նիկոլի հետևը բռնած ման են գալիս»: Նա ասուլիսի ժամանակ նկատեց, որ այդ նույն Նիկոլը Մարտի 1-ի հայտնի դեպքերի ժամանակ հրահրեց բախումներ ու պատճառ դարձավ ոստիկանների սպանությանը:

«Բա դուք ինքնասիրություն չունե՞ք»,-իր հարցը եթերից ուղղեց Շիրինյանը՝ ոստիկաններին ու մասնավորապես ոստիկանապես Վահե Ղազարյանին:

Նա հիշում է, թե ինչպես էր ընդդիմադիր ժամանակ Նիկոլը հայտարարում, թե իշխանությունը տատիկ-պապիկներին թողել է չոր թոշակի հաշվին ու նրանց զրկել հացից: 

«Նիկո՛լ, բա չես տեսնո՞ւմ, որ էդ տատիկ-պապիկները դեռ լավ չեն ապրում, գները թանկացել ա: Եթե նախկինները ասում էին՝ միս չեք կարում ուտեք՝ կարտոլ կերեք, հիմա էդ կարտոլն էլ 60-70% թանկացել ա: Ի՞նչ անեն էդ մարդիկ»,-դարձյալ իր հարցն ուղղեց նա Փաշինյանին:

Ըստ Շիրինյանի՝ Նիկոլը ոչ միայն խաբել է ժողովրդին ու դարձել երկրի ղեկավար, այլև այսօր էլ շարունակում է խաբել իրեն ղեկավար դարձրած ժողովրդին ու նսեմացնում  նրանց:

«Նիկո՛լ, ժողվարչապետ ես, ի՞նչ ես նսեմացնում ժողովրդին, ինչի՞ դուրս չես գալիս ժողովրդի մոտ, բա լրագրողների՞ց խի ես վախեցած»,-ասաց Շիրինյանը:

Մանրամասները՝ տեսանյութում